Көңілді математикалық сайыс

Бұл сайыс сабақ геометрия курсының "Стереометриялық денелер" тарауын қорытындылау мақсатында өткізілді. Сайыс оқушылардың санасында ұлттық салт-дәстүрді, әдет-ғұрыпты, ұлттық мәдениетті жаңғыртуға, қалыптастыруға бағытталған. Қонаққа сый табақты тартуда әр жіліктің берілу реті, қонақты сыйлау, құрметтеу мәдениеті айтылады. Ұлттық еттен, сүттен, бидай, дән-дақылдардан дайындалатын тағамдардың аттары мен дайындалуы аталады. Сөз мәйегі мақал-мәтелдер, қасиетті сандар, ырымдар, ұлттық музыкалық аспаптардың түрлері мен әсем әуендері сайыс барысында оқушылардың математикаға деген қызығушылығын дамытып, Отанға, туған жерге деген патриоттық сезімін нығайта түседі. Қорытындылауда сайыстың жеңімпаздарына дәрежесіне, білім деңгейлеріне қарай ат мінгізіледі. Бұл жерде де Жеті қазынаның бірі-жылқы малының қасиеті айтылып кетеді. Кеш өте тамаша жоғары деңгейде өткізілді.