"Көңілді қыс" Музыка -адам жанының емі атты апталықтың аясында өткен ашық сабақ

Мақсаты: Қыс мезгілі туралы білімдерін кеңейту.

Табиғат көрінісін сипаттап айту арқылы тілін дамыту, есте сақтау

қабілетін дамыту сенсорлық өрісін жетілдіру дамыту, сөздік қорын

молайту. Қимыл қозғалыс арқылы жалпы моторикасын дамыту, би

элеметтерін қайталату арқылы шығармашылық қабілеттерін

арттыру.

Ептілікке , жылдамдыққа , шапшаң қимылдауға тәрбиелеу.

Әдісі: сұрақ – жауап, ойын арқылы

Қажетті құралдар: шариктер, күрекше, жалауша, шана, жұмсақ ойыншықтар, телефон, буфер.

Барысы:

І.Ұйымдастыру

- Балалар айналаға қараңдаршы қазір жылдың қай мезгілі?

- Қыс.

- Қыс мезгілі екенін қайдан білесіңдер?

- Далада қар бар, күн суық, жылы киініп алғанбыз.

- Қарды қолымызбен ұстап көрейікші. Қар қандай екен? Түсі қандай?

- Қар суық, түсі ақ, қолымызбен ұстасақ ериді. Қолымыз су болып қалады.

- Қыста қандай ойындар ойнауға болады?

- Шана тебеміз. Қар лақтыру, коньки тебу, шаңғы тебу.

ІІ. Негізгі бөлім.

Балалар бүгін біз далада жарыс өткіземіз. Жарысымызды бастамас бұрын алдымен шеңберге тұрып, бойымызды қыздырып алайық. (Музыка ырғағына байланысты «Қол, аяқ, бас!» би элеметтері арқылы жаттығу жасау).

Тосын сәт:

- Балалар қараңдаршы, бізге қарай қолын бұлғап кімдер келе жатыр.

- Аяз ата мен Ақшақар.

- Аяз ата: Балалар сендер мұнде не істеп жатырсыңдар?

- Екі топқа бөлініп жарыс ұйымдастырғалы жатырмыз.

- Ақшақар: Балалар бізде сендермен ойнайықшы.

- Ендеше балалар ақшақарды бір топқа аяз атаны бір топқа жібереміз.

Қанекей тобымызға ат қояйық. «Ақшақар» тобы, «Аяз ата»тобы

Жарысымызды бастайық.

1) «Кім жылдам?» жалаушанымен межені айналып, жүгіріп барып, келу. Жалаушаны келесі қатысушыға беру

2) «Кім епті?» күрекшеге шарик салып межені айналып жүгіріп барып келу күрекшені келесі қатысушыға беру.

3) «Коньки жүрісі» аяғымызды жерден көтермей сүйретіп межені айналып барып келу.

4) «Шанамен жарыс» шанаға жұмсақ ойыншықты отырғызып, сүйретіп межені айналып келу.

Сергіту сәті:

«Буги вуги» музыка ырғағымен би элеметтерін жасау.

ІІІ.Қорытынды. Балалар бүгінгі ойын сендерге ұнады ма? Далада ойын ойнаған қандай екен? Бүгін бізге қонаққа кімдер келді.?

Ойын: «Поровоз» болып тобымызға барайық. (Музыка ырғағына байланысты қимылдар жасау)