Тақырыбы: «Көңілді старт» ойыны

Мақсаты: Оқушыларды спорттық ойындарға бейімдеу, денсаулықтарын жақсарту, қызығушылықтарын арттыру. Оқушылардың адамгершілік, күш, ерік-жігер қасиеттерін және психологиялық процестер мен адамдық қасиеттерді дамыту. Дене шынықтыру жаттығулармен өз бетінше шұғылдануға, этикалық және эстетикалық тәрбие беру.

Қажетті құрал-жабдықтар: Доп, кедергілер, секірме, таяқша, жалауша.

Жазғы демалысты ұйымдастыру бойынша құрылған «Балдәурен» лагерінің оқушылары, «Көңілді старт» эстафеталық жарысына қош келдіңіздер!
Елбасымыз Н.Ә.Назарбаевтың Қазақстан халқына жолдауында айтылғандай «Салауатты өмір салтын ұстау қазіргі таңда өзекті мәселелердің бірі болып отыр»
Денсаулық – баға жетпейтін жалғыз ғана асыл дүние. Денсаулық адам өміріндегі ең жоғары бағалы дүние болғандықтан, әр адам баласы өз денсаулығына көңіл бөле қарау қажет. Бүгінгі өткізгелі отырған «Көңілді старт» сайысымызды бастауға рұқсат етіңіздер.
Жарысымызды бастамас бұрын әділ қазы алқасымен таныс болайық. Әр кезең 5 балдық жүйемен бағаланады.
Ал құрметті халайық,
Жарысты енді көріңдер.
Әділ қазы алқасы,
Әділ баға беріңдер. 

Қазылар алқасын оқушыларға таныстырып өтіледі.
Қош келдіңіз қонақтарым төрлеңіз,
Әзірледік сізге орынды төрден біз.
Ұландардың ең құрметті қонағы,
Жанкүйерде төреші де өзіңіз.

Шарттары: 

1. Таныстыру кезеңі. (топтың атымен, ұранымен таныстыру керек)
2. «Кім жылдам?» кезеңі. (Скакалкамен секіру). Әр топтан 1 оқушы шығып секіреді.
3. «Пингвин» кезеңі
Ойынның шарты: Балалар допты тақымға қысып, секіру арқылы жарысады. Ойынды сапалы әрі тез аяқтаған команда жеңіске жетеді.

4. «Кедергілерден өту»

Ойынның шарты: Алда қойылған кедергілерден айналып жүгіріп өту.

5. «Боулинг»

Ойынның шарты: Әр оқушы допты алып, нысанаға дәл тиіп, өз командасына көп ұпай алуы керек.

6. «Баскетбол» допты жерге ұра жүгіріп жарысу.

7. «Жалауды тез жеткіз» эстафетасы

8. «Допты шеңберге лақтыру» эстафетасы

9. «Желаяқ» жылдамдыққа жүгіру

10. «Шегірткелер» /әр ойыншы бір аяқты бүгіп, оны қолмен ұстап секіріп барып берілген жерге дейін жетеді. Қайтарда тез жүгіріп келуі керек.

11. «Кім бірінші?» сайысы. Оқушыларға сөздер айтылады, топтағы оқушылар сол сөздің орысша, ағылшынша баламаларын айтады. Дұрыс жауап берген оқушының тобына 5 ұпай қойылады.

Мысалы: Жер, күн, кітап, бала, айна, көктем, жүрек, орындық т.б.

Қорытынды сөз. Әділ қазы алқаларына беріледі. Жеңімпаз топқа жеңілген топ оқушылары шағын концерттік номерлер дайындайды.