"Көңілді старт" спорттық ойындар сайысы

«Қадырғали Қосымұлы Жалайыри атындағы орта мектеп-гимназия»

коммуналдық мемлекеттік-мекемесі

«Көңілді старт» спорттық ойындар сайысы

Сыныптар: 7 «А», 7 «Ә», 7 «Б», 8 «А», 8 «Ә»

Ұйымдастырушылар: Кемелова Ә.С.

Темірғали З.Е.

Дене шынықтыру пәнінің мұғалімі: Керімбеков Т.Ж., Қасымжанов Ж.С.

Балпық би ауылы, 2020жыл

Күні: 03.02.2020ж.

Сыныптар: 7 «А», 7 «Ә», 7 «Б», 8 «А», 8 «Ә».

Тақырыбы: «Көңілді старт».

Мақсаты: Салауатты өмір салтын қалыптастыру.

Түрі: Спорттық ойындар жарысы.

Өту орны: спорт зал.

Көрнекілігі: шарлар, доптар, кедергілер,

БАРЫСЫ

1-жүргізуші: Құрметті ұстаздар, қатысушылар мен олардың жанкүйерлері! Бүгінгі «Көңілді старт» спорттық ойындар жарысына қош келдіңіздер! Елбасымыз Н.Ә.Назарбаев «Қазақстан-2050» жолдауында «Қазақстан азаматтары мен балаларымыз құқығын қорғайтын, борышын ұстайтын азамат етіп тәрбиелеу қажет. Біздің оқушыларымыз дені сау, саналы, білімді, өрісі биік, денсаулығы мықты болып өсуі тиіс» деп айтқан болатын. Әрбір Қазақстан азаматының алдына қойған басты мақсаты өз елінің, жерінің, халқының денсаулығын жақсартуды қамтамасыз ету болып табылады. Адам баласының спортпен шұғылдануы басты міндеттерінің бірі болу керек. Олай болса, бүгінгі «Көңілді старт» спорттық ойындар жарысына қош келдіңіздер!

(Ортаға 7, 8 сыныптар оқушылары спорттық бимен шығады.)

2-жүргізуші: Әр таңды бақытпенен аттырамыз,

Өнерді ой көгінде бақылаңыз,
Сайысқа қатысуға енді ортаға
«Көңілді стартқа» қатысатын
Командаларды шақырамыз.

1-жүргізуші: Ұстанған салауатты өмір салтын,

Жасқанып, ешқашан да мойымайтын,
Болашақ спортшылар келді ортаға
Қол соғып қарсы алайық, қане, халқым!

Таныстыру (Үй тапсырмасы: топтың аты, эмблема, топ ұраны, мүшелерін таныстыру, өздері таңдаған музыкаға таңертеңгілік жаттығуды көрсету).

2-жүргізуші: Уа, халқым назар аудар денсаулыққа!

Өмірде бақыттысың денің сау да.
Денсаулық терең бақыт деген сөзді

Құр айтпаған ұлы Абай данамыз да!

– демекші, бала өмірінде салауатты өмір салтын қалыптастыруда мектептің рөлі зор.

1-жүргізуші: Өнерге биік сеніңіз

Думанға қызық келіңіз
Әділқазы ел сенген
Сайысқа баға беріңіз!

– деп бүгінгі спорттық жарыстың әділ-қазы алқаларымен таныс болайық:

1. Директордың тәрбие ісі жөніндегі орынбасары – Мейірбекова Гүлнәр Тағайқызы және Құсманова Гүлбақыт Алқайдарқызы.

2. Педагог-ұйымдастырушы – Жұмабек Аниэль Абайқызы.

3. Алғашқы әскери дайындық пәнінің мұғалімі – Темірбеков Дидар Айтқұрманұлы.

2-жүргізуші: Құрметті жарысқа түскелі тұрған командалар, әділқазы алқалары және сайысымыздың қонақтары! Сайысымыздың әр бөлімімен таныстыруға рұқсат етіңіздер. Сайысымыз 6 кезеңнен тұрады.

Олар: І кезең: «Жапырақтарды жина» сайысы.

ІІ кезең: «Пингвин» сайысы.

ІІІ кезең: «Арқан тарту» сайысы.

ІV кезең: «Іздермен өту» сайысы.

V кезең: «Баскетбол торына доп лақтыру» сайысы.

VI кезең: «Суреттегі бейнелерді табу» сайысы.

1-жүргізуші: Сайысқа қатысушыларымызға сәттілік тілей отырып, сайысымызды бастайық. І кезең. «Жапырақтарды жина» кезеңінде әр команда мүшелері кезекпен бір-бірден жүгіріп, кедергілерден доп алып өтіп бір жапырақтан алып өз командасының қоржынына салады. Бұл ойынға 5 минут уақыт беріледі. Жинаған әр жапыраққа 10 ұпайдан беріледі.

І кезеңнің қорытындысы бойынша әділ-қазы алқаларына сөз берейік.

2-жүргізуші: ІІ кезең. «Пингвин» сайысында топ мүшелері кедергілер арасымен допты аяққа қысып алып, жерге құлатпай пингвиндер жүрісімен жүріп, мәре сызығын айналып қайтар жолда жүгіріп келеді де келесі ойыншының алақанынан ұрып эстафетаны береді. Келесі ойыншы жалғастырады. 1, 2, 3, 4 және 5 болып келгеніне байланысты жеңімпаз топ анықталады.

ІІ кезеңнің қорытындысы бойынша әділ-қазы алқаларына сөз берейік.

1-жүргізуші: ІІІ кезең: «Арқан тарту» сайысы.

IІІ кезеңнің қорытындысы бойынша әділ-қазы алқаларына сөз берейік.

2-жүргізуші: ІV кезең. «Іздермен өту» сайысы. Әр командаға екі ізден беріледі. Еденге баспай, ізден шығып кетпей, қойылған кеглиді айналып, қайта орындарыңызға келесіздер. Мәре сызығына жету реті бойынша орындар беріледі.

ІV кезеңнің қорытындысы бойынша әділ-қазы алқаларына сөз берейік.

1-жүргізуші: V кезең. Баскетбол торына доп лақтыру (баскетбол добын кедергілер арасынан бір қолмен алып жүріп, себетке салу).

V кезеңнің қорытындысы бойынша әділ-қазы алқаларына сөз берейік.

2-жүргізуші: VI кезең: «Суреттегі бейнелерді табу» сайысы. Бұл сайыста команда капитандарына сурет көрсетіледі. капитандар дыбыссыз, қимыл-қозғалыспен осы суреттердегі бейнелерді топқа жеткізу керек. Топ мүшелері тапқан жағдайда 10 ұпай беріледі.

VІ кезеңнің қорытындысы бойынша әділ-қазы алқаларына сөз берейік.

1-жүргізуші:Жарыс заңы ежелден —
Жеңімпазды анықтау.

Жеңімпаз болу шарты сол —
Еңбектену, жалықпау.
Біреу озса сайыста,
Біреу артта қалады.
Жеңілгендер ренжімей
Тараса бізге жарады,

— демекші сайысымыздың шарттары бойынша қорытынды шығарып жеңімпаздарды анықтап, марапаттау сөзі әділ-қазы алқаларына беріледі.

2-жүргізуші: Біз қазақпыз,

Ел үшін атқа мінген.
Жанып жатқан лапылдап отқа кірген,
Бой тұмарғып ар-ождан қазынасын,
Отбасылар ел қамын сақтап жүрген

– дей келе бүгінгі алтын уақыттарыңызды қиып, «Көңілді старт» спорттық ойындар жарысына қатысқандарыңыз үшін әрбір командаға, алғысымызды білдіреміз! Жақсылықта, амандықта жүздескенше сау саламатта болыңыздар!

«Спорт» әні орындалады.