Көнілді старт

«Көнілді старт» эстафеталық жарыс

Қатысатын топ: ортаңғы топ

Мақсаты:Балалардың бойындағы спортқа деген қызығушылығы мен білімін арттыру.

Дамытушылық: Оқушылардың денсаулығын, қимыл қозғалысын, ептілігін, икемділігін дамыту.

Тәрбиелік: Саламатты өмір салтына, отан сүйгіштікке, ұйымшылдыққа,
шапшаңдаққа тәрбиелеу.

Керекті құрал жабдықтар: Ысқырық, кедергілер, шеңберлер, доптар,
кеглилер, кішкене доптар, таяқшалар, секіртпелер

Гимн

Жүргізуші: Міне, балалар шықты алаңға,
Жас спортшылар жеке – жеке команда
Ал, балалар өздеріңді таныңдар,
Ептілік, мықтылық, батылдық көрсетіп табанды,
Жүргізуші: «Көңілді старт - атты жарысымызды бастаймыз.
Бүгінгі жарысқа қатысуға екі топ келіп тұр. Осы топтардың жарысына әділ бағасын беретін сіздерсіздер.

Ал, құрметті халайық
Жарысты енді көріңіз
Әділ қазы алқасы
Әділбаға беріңдер

--------

Жүргізуші: Балалар, сендерге сәттілік тілей отырып, жарысымызды бастаймыз.
Ал, енді сайысымыздың шарттарымен таныстырайық...

Шарты:

1. Таныстыру

2. Қаппен секіру.

3. Допты себетке салу

4. Кегли

5. Орыннан секіру

6. Мәреге кім бұрын?:

«Ура» деген ұранды біз тастаймыз
Жарысымызды ал енді бастаймыз
«Жеңіске жетеміз!» деп
Жалынды ұран тастаймыз.

1. Қаппен секіру.

Ойын шарты ойыншылар аяққа қап киіп алып  белгіленген жерге дейін секіріп барып келеді.

Ойынды қай команда бұрын аяқтаса, сол жеңіске жетеді.

  2. Допты себетке салу: Допты секіртіп барып себетке түсіріп, секіртіп алып қайтадан допты келесі ойыншыға ұсынады. Қай команда допты себетке көп түсірсе, сол команда жеңіске жетеді 

3. Кегли :Тізілген кеглиді кіші доппен соғу арқылы құлатып, ұпай жинайды. Қай команда көп құлатса, сол команда жеңіске жетеді.

4. Орыннан секіру:Мұғалімнің белгісі бойынша шеңберден секіріп кеглиді айналып кайту. Қалғандары да осылай секіре береді. Қай команда тез секірсе сол жеңіске жетеді.

5. Мәреге кім бұрын?:Мұғалімнің белгісі бойынша шеңбердегі доптарды шеңберге салу, келесі шеңберден шығару, Берілген тапсырма біткенше орындау.