Көп жасаған қария,ақыл теңіз дария

Көп жасаған қария,ақыл теңіз дария.

Отбасында қадірменді қарттар бар,

Ащы өмірдің тауқыметін тартқандар.

Арқасына нардың жүгін артқандар.

Омырауға қос-қос орден таққандар-

мінеки осындай кереметтей теңеулер үйдегі үлкендеріміз ата-әжелерімізге арналады.

-Балалар,үйде ата-әжелер бар ма? Оларды жақсы көресіңдер ме? Ата-әжелерің сендерді қалай еркелетеді? Ал,балалар сол әже-аталарыңның 1 қазан мерекесі екенін білесіңдер ме? Жылдан жылға бұл күн «Қарттар күні» дәстүрлі мерекеге айналып келеді.Бүгінгі біздің ән-жырымыз да,биіміз де үйіміздегі қарттарымызға атамыз бен әжелерімізге арналады.

Ән: «Ана тілі»

Ересектер: «Күншуақ» «Балауса» «Шаттық» «Балдәурен»

Асыл әжем, ардақты атам үйімде
Қонақ болып отыр міне төрімде.
Өздеріңе арнап балдай тәтті үніммен
Ән салатын кезім келді менің де.
«Күншуақ» тобының ата-әжелеріне арналған жыр шумақтарын қабыл алыңыздар.

К.Жания: Әжем менің шежіре
Көп ертегі біледі
Сыртта жүрген кезінде
Бізді ойлап жүреді
Аяулым: Күлімдеген көзіңнен
Айналайын атажан
Не үлкен сый бар бізге
Өзің берген батадан
Н.Инабат: Ақыл құйған санама,
Күннен де артық расында.
Күн алыста, ал әжем,
Ылғи менің қасымда.
Нұрәли: Атам менің аманда
Әдепті жан бол деген 
Атам сөзі санамда
Жасы үлкенге жол берем 
Алдын орап кісінің
Кесіп өтпе көлденең 
Ізетімен кішінің
Сәлемдесіп қол берем. 
Ержігіт: Атам менің әманда кішіпейіл бол деген.
Ата сөзі санамда
Мақтанбауды жөн көрем 
Қалдыратын ұятқа
Жалған сөзге төзбеймін
Жеткізеді мұратқа 
Тек шындықты көздеймін.

Қарт кісіні құт-береке деп танысақ-ол ұрпақ көрегендігі. Ұрпағы құрметтеген ата-ана әр кезде де бақытты.Ата-анамызды,әже-атамызды құрметтеп,сыйлайық.
Ересектер «Балауса» «Шаттық» «Балдәурен» тобының бүлдіршіндерінің жыр шумақтарын қабыл алыңыздар.

Ән: «Балаьбақшам ғажап»

Ересектер: «Күншуақ» «Балауса» «Шаттық» «Балдәурен»

-Балалар біз қай қалада тұрамыз? Қызылорда қаламызға қанша жыл болды? Қаламыздың мерей тойына арнап ән шырқайық.

Ән: «Менің сүйікті-Қызылордам»

Ересектер: «Күншуақ» «Балауса» «Шаттық» «Балдәурен»

Көп жасаған қария-

Ақылы теңіз дария.

Көп өнеге сөзі бар,

Сөзі – соқпақ, сөзі – нәр.

Ата салты ардақты,

Әрбір сөзі салмақты.

Сол сөздерді ұқпасаң,

Тістерсің бір күн бармақты.

- Қазақтар – « Төріңнен қарт кетпесін» деп тілеген халық. Жасы үлкенге құрмет ету, қарттың бүгілген беліне сүйеу болу – біздің ата дәстүріміз.
Өзіңді өмірге келтірген, тіршілігіңе нәр берген ата-ананың алдында адамның парыз-міндеті өлшеусіз.Ендігі кезекті ортаңғы топтардың ата мен әжелеріне арналған жыр шумақтарына береміз.«Өркен» «Бәйтерек» «Айгөлек» «Балбұлақ»

Ән: «Отанның жас өркені»

Ересектер: «Айгөлек» «Балбұлақ» «Өркен» «Бәйтерек»

«Атаңа не қылсаң,  алдыңа сол келеді» деген сөз бар. Қарттары бар ел-бақытты ел деп жатамыз.Сондықтан ел басына күн туған, қиын-қыстау күндерде халқына сүйеу, жұртына қамқор болатын қарттарымыз қашан да аман болсын деп тілейміз.