КӨШ БАСЫНДА - КЕМЕҢГЕР
Мунайтбасов Еркин ОрынбасаровичҮш тілде оқытатын №21 орта мектеп-гимназиясының көркем еңбек пәнінің мұғалімі Бауыржан Момышұлының «Ерім дейтін жұртың болмаса, елім дейтін ерің қайдан болсын?» деген нақыл сөзі бар. Алаштың бағына туған асыл ұлдарымыздың қадіріне жете білейік. Еліміз тәуелсіздігін алғанда тізгінді қолына алған Елбасымыз Нұрсұлтан Әбішұлы Назарбаев Қазақстан үшін талай мақтанарлық дүниелер жасап, келісімдерге қол қойды. Тәуелсіздік алған 24 жылда жеткен жетістігімізді санамалап отырсақ, біздің ел біраз биікке көтерілді. Ең бір елеулі жетістігіміздің бірі Сарыарқаның төрінде бой көтеріп, сәнімен салтанаты жарасқан алтын шаһарымыз - Астананың салынуы. Жас астанамыздың төрінде дүбірлі самиттер мен жиындар өткізіп жатқанымыз төрткүл дүниеге атағымызды паш етіп жатыр. Елордамыздың 100 жылдық тарихы бар Париж, Сеул, Нью-Йорк сынды әлем астаналарымен терезесін теңестіріп «Экспо 2017» көрмесін өткізу мәртебесін иеленуі тағы бір жетістік.Нұрсұлтан Назарбаев бір сөзінде: «Мен егер тек өзімді ойлағанда, осыншама жылдар еңбек еттім, енді демалысқа шыққан болар едім» - деген еді. Осы бір сөзінен-ақ Елбасымыздың қара бастың қамы емес, қара халықтың хәл- ақуалы алаңдататын байқауға болады.Сырт көз сыншы. Елбасымыздың көрегенділігіне өзге мемлекеттер оң бағасын беріп, өздеріне үлгі қылуда. Оған бір ғана мысал, Иордания, Түркия және ТМД-ның бірқатар мемлекеттерінде Н.Ә.Назарбаевтың атына көшелер беріліп, ескерткіштер орнатылған. Бұл игі істер өзге мемлекеттің біздің патшамызға деген құрметі һәм Қазақ халқына деген сыйластығы десек артық айтпаған болар едік. Қашанда халық қамын ойлаған Елбасы: «Мен өз халқымның жолында басымды бәйгеге тіккен адаммын. Маған ары үшін жанын садаға ететін осындай текті халыққа, мені ұлым деп, перзентім деп төбесіне көтерген халыққа, арғы - бергідегі қазақ баласының бірді-бірінің пешенесіне бұйырмаған бақытты - толыққанды, тәуелсіз мемлекет құрудың қасында болу бақытын бұйыртқан халыққа қызмет етуден артық ештеңенің керегі жоқ, осы жолда мен бойымдағы бар қайрат-қабілетімді, білім-білігімді аямай жұмсаймын, қандай да тәуекелге барамын» - деп жүрекжарды өз ойын халқына арнаған болаты. Тұңғыш Президентті таңдауда халық қателескен жоқ. Бұл күнде Қазақ елі төрткүл әлемге танымал. Сырт көздің өзі еліміздің жиырма төрт жылдың ішінде дамудың жаңа жолы мен үлгісін қалыптастырып үлгергенін айтады. Қазақстан даму қарқыны жағынан көшбастаушы мемлекеттердің қатарына қосылды. Сөз жоқ,бұл жетістіктерде қазіргі күні әлемдік деңгейдегі саясаткер ретінде танылып отырған Елбасы Нұрсұлтан Әбішұлы Назарбаевтың еңбегі айрықша. Елбасы еліне, Елі Елбасына сенеді. Дүниежүзіндегі экономикасы тұрақты дамушы елдің қатарындағы Қазақстан Н.Назарбаевтың көшбасшылығымен әлі талай асуларды бағындырарына сенім мол. Қай халыққа болсын тағдыр соның өзіне ғана лайықты көшбасшы сыйлайды. Дана қазақ халқымызға тағдыр кемеңгер көшбасшыны сый етті. Осы бақыттың қадірін зерделейік. Ақиқатын ашып айтар болсақ, біздер мемлекетімізді басқаруды Рухы биік адамға сеніп тапсырдық. Ол халықтың қайнаған ортасынан шыққан, ұлы Даланың адал перзенті. Ол мемлекеттің тізгінін тарихтың алмағайып,сынақты кезеңінде қолына алды.Тағдыр оған Тәуелсіз мемлекетті құрып,еркін елдің көшін бастауды бұйыртты. Ол болса, мүмкін еместі жасады. Халық та өз көшбасшысымен бірге жасампаздыққа жол ашып,бостандығының байрағы астында, әлемдік айдынға еркін қадам басуда. Елбасымыз расында да қайталанбас қасиетті ,дара тұлға. Ұлтын басқара жүре, барша Қазақстан халқын Жаңа Әлемді құруға жұмылдыра білгендігінде, ғалам елдерінің де назарын осыған аудара алғандығында! «Мәңгілік Ел ата-бабамыздың сан мыңдаған жылдар бойғы асыл арманы екені баршамызға белгілі. Ол арман - әлем елдерімен терезесі тең, әлем қатынасынан ойып тұрып орын алатын Тәуелсіз мемлекет атану еді, ол арман - тұрмысы бақуатты, түтіні түзу ұшқан, ұрпағы ертеңіне сеніммен қарайтын бақытты ел болу еді. Біз бұл армандарды ақиқатқа айналдырдық. Мәңгілік Елдің іргесін қаладық. Ендігі мақсат қазақтың мәңгілік ғұмыры, ұрпақтың мәңгілік болашағын баянды етуге арналады. «Мәңгілік Ел» болу – ғұмыры шектеусіз, тәуелсіз, тұғыры биік, ғылым-білімі дамыған, алдыңғы қатарлы алпауыт елге айналу. Мәңгілік ел болуымыз үшін, әрі бәсекеге қабілетті ел болуы үшін, әрі Тәуелсізідігіміздің туын желбіреп тұруы үшін - біздің ұрпағымыз мықты әрі идеологияны бойына сіңірген, еліміздің патриоты болуы тиіс. Ендеше, Мәңгілік Ел болуға жол салып берген Ұлы Көшбасшымызды ардақ тұтып, Тәуелсіздігіміздің тұғырын шайқалтпай, биіктете берелік, ағайын!
Әдебиеттер тізімі:
1. Алаш айнасы-Республикалық қоғамдық-саяси күнделік. // 08.12.2011ж2. Ғасырлар тоғысында. Н.Ә.Назарбаев А.,-2003 ж3. Тәуелсіздік белестері. А.,-2003 ж.4. Киелі Тәуелсіздік. А., -2009 ж
ҚР Білім және Ғылым министірлігінің стандартымен жасалған
21 Желтоқсан 2017
438
0 рет жүктелген
