Жұмыс кезеңдері

Кезеңнің мазмұны

Кіріспе бөлім

5 мин

Ұйымдастыру кезеңінің

мақсаты:

Коучинг тақырыбы мен мақсатын таныстыру. Ынтымақтастық атмосферасын құрып, қолайлы психологиялық хал- ахуал орнату.

Міндеті: Қатысушылардың зейінін аудару, жақсы көңіл күймен жұмыс жасауына ықпал ету.

Әдістері: Әңгімелесу, ой түрткі, қатысушыларды өзіне жақын тарту.

1. Әріптестермен сәлемдесу.

2. Коучингтың тақырыбы мен мақсаты баяндалады.

3. Іс-әрекеттегі зерттеу жайлы айтылған нақыл сөздердің авторларына қарай топқа бөлу.

4. Қолайлы психологиялық атмосфера қалыптастыру үшін “Үш жұлдызша” әдісі бойынша семинарға қатысушы мұғалімдер өздерін таныстырады және жақсы бір тілек тілейді.

Бұл жаттығулардың мағынасы- топтағы адамдардың бір-біріне сенімділігі, сыйластығы артады, себебі сыныпта іс-әрекеттегі зерттеу жайлы жұмыс жасау үшін, әрине өзара сенімділік пен таныстық керек.

Семинарға қатысушылар кезекпен үш жұлдыздың кескінін басып өтеді: 1-жұлдызда аты-жөнін айтады, 2-жұлдызда қай мектептен келгенін және қай біліқтілік деңгейді аяқтағанын айтса, 3-жұлдызды басып өткенде бір әдемі тілегін айтады.

Ғалымдардың сөздерінен үзінділер:

«Егер өз бойыңа жақсы қасиеттерді ұялатқың келсе, ең алдымен ақыл-ойыңа, іс-әрекетіңе жүгіну қажет»

А.Байтұрсынов

«Іс-әрекеттегі зерттеу-адамның тәжірибесін, тәжірибе туралы түсінігін және тәжірибе жүргізілетін жағдайды түсінуін өзгертеді»

С.Кеммис

«Тәжірибелік даналыққа тек тәжірибеде жүрген, өз тәжірибесіне негізделген дана және орынды ойлар білдіру қабілетін дамытатын адамдар ғана ие бола алады»

У.Карр

Коуч: Құрметті ұстаздар, бүгін міне сіздермен

іс-әрекеттегі зерттеу жүргізудің мұғалімнің кәсіби дамуына тигізер пайдасы жайлы ой бөліспекпіз. Мен сіздерден барынша өз ой-пікірлеріңізді қысылмай айтып, тәжірибелеріңізбен таныстырғандарыңызды қалаймын!

" Іс-әрекеттегі зерттеу-адамның тәжірибесін, тәжірибе туралы түсінігін және тәжірибе жүргізілетін жағдайды түсінуін өзгертеді "- деп С.Кеммис айтқандай, зерттеудің қалай жүргізілетінін қарастырайық.

Қима қағаздарға жазылған цитаталардың авторларына қарай 3 топқа бөлінеді.

“Үш жұлдызша” жаттығуы орындалады.

Зейіндерін аударады.

Негізгі бөлім

30 мин

Мақсаты: Іс-әрекеттегі зерттеу арқылы мұғалімдердің кәсіби дамуына қол жеткізу.

Міндеті: Іс-әрекеттегі зерттеу жүргізу жоспарын талапқа сай, тиімді әдіс-тәсілдерді пайдаланып, сауатты жасай білуге үйрету.

Әдіс-тәсілі: "Ой қозғау", "Дұрысын тап", топтық жұмыстар.

Топтық тапсырма

Қорытынды кезеңі 5 мин

І. Ой қозғау.

«Дұрысын тап» Топтық жұмыс

Топтарға қорапшалар беріледі. Қорапшаларда іс-әрекеттегі зерттеу этаптарына байланысты әртүрлі заттар бар . Топ мүшелері заттарды іс-әрекеттегі зерттеу этаптарына қандай байланысы барына қарай рет-ретімен орналастырады.

Іс-әрекеттегі зерттеу.

1. Лупа.Іс-әрекеттегі зерттеуді неден бастау керек?

Проблемадан. (қағазға проблема деп жазып іледі)Яғни, проблемадан бастау керек, проблема- бұл сені толғандыратын нәрсе. Не дұрыс емес? Неге?

2. Дәптер, анкета, журнал. Проблема туралы мәлімет жинау. (Мәлімет деп жазып іледі) Бұл – біз проблеманы байқаған жеріміз.

3. Нысана. ( Мишень) Мақсат қоямыз. (Мақсат деп жазып іледі)

Мақсат- бұл сіз неге жеткіңіз келеді?

4. Таза қағаз. Ойларымызды, әдістемелерімізді жазамыз. (Іс-әрекет деп жазып іледі) Таза қағазды аударсақ , артында сабақ жоспары жазылған. Оған біз өзіміздің жаңа идеяларымызды жазамыз. Сөйтіп, бұл парақ проектіге айналады.

5.Фотоаппарат, видео камера, анкета. Дәлелдемелер жинаймыз. (Дәлелдемелер деп жазып іледі)Ойланайық, мен дәлелдемелер қалай жинаймын. Мен өзгерістер жайлы қалай білемін?

6. Плюс, минус стикерлері. Не сәтті болды, не сәтсіз болды анықтаймыз. (Нәтижені бағалау қағазы ілінеді)Күтілетін нәтиже орындалды ма? Мақсатқа жеттік пе? Нені жақсарту керек?

7. Спираль. Спиральдың не қатысы бар? Нәтижеге бірден жете алмаймыз, сондықтан іс-әрекетті бірнеше рет нәтижеге жеткенше қайталау керек. (Спираль сөзін ортаға орналастырамыз)

8. Диск, педагогикалық журнал. Іс-әрекеттегі зерттеудің нәтижесі мектепте, желілік қауымдастықта таратылады.

Экраннан зерттеу этаптары көрсетілгеннен соң топтар өз жауаптарын салыстырады, ауыстырып алған кезеңдері болса түсінеді.

ІІ. Іс-әрекеттегі зерттеу кезеңдері туралы слайдтармен жұмыс

Слайдтан " Іс-әрекеттегі зерттеу неден басталады? ", "Мұғалімдер іс-әрекеттегі зерттеуді қалай жүргізеді?» тәрізді ашық сұрақтарға жауап іздейік. Нәтижесінде зерттеу жүргізу түсіндірме арқылы ұсынылады.

Іс-әрекеттегі зерттеу жүргізу жолдары: (Элейн Уилсон)

1. Іс-әрекеттегі зерттеуді неден бастау керек?

Проблемадан бастау керек, проблема- бұл сені толғандыратын нәрсе. Не дұрыс емес? Неге?

2. Проблема туралы мәлімет жинау. Бұл – біз проблеманы байқаған жеріміз.

3. Өзгеріс енгізу мақсаты мен нысанын анықтау. Мақсат- бұл сіз неге жеткіңіз келеді?

4. Өзгеріс енгізуді жоспарлау -ойларымызды, әдістемелерімізді жетілдіреміз. Сабақ жоспарын жазғанда оқыту үдерісіне қатысты қажетті әдістерді таңдап, әзірлеу керек.

5.Дәлелдемелер жинаймыз. Ойланайық, мен дәлелдемелер қалай жинаймын? Мен өзгерістер жайлы қалай білемін?

6. Нәтижені бағалау. Не сәтті болды, не сәтсіз болды анықтаймыз. Күтілетін нәтиже орындалды ма? Мақсатқа жеттік пе? Нені жақсарту керек?

7. Нәтижеге бірден жете алмаймыз, сондықтан іс-әрекетті бірнеше рет нәтижеге жеткенше қайталау керек.

8. Іс-әрекеттегі зерттеуді нәтижесі мектепте, желілік қауымдастықта таратылады.

ІІІ. Мұғалім іс-әрекеттегі зерттеуді қалай

жоспарлайды?

Коуч өз тәжірибесінен үлгі ретінде жоспарын ұсынады.

Іс-әрекетті жоспарлау үлгісі.

Проблема: Оқушылардың математикадан математикалық сауаттылығының төмендігі.

Тақырып: Жазу арқылы оқушылардың математикадан сауаттылығын қалай арттыруға болады?

Зерттеу сұрағы: Жазу арқылы бала математикалық ойды, пікірді толық жеткізе ала ма? Жазудың математика сабақтарында ролі қандай?

Мақсаты: Оқушылардың жазу арқылы дамуының тәсілдерін, жолдарын анықтау.

Күтілетін нәтиже: Оқушы жазудың маңыздылығы – математикадан сауаттылығын арттыруға қажет екендігін сезіне біледі.

• Жоспар құру: 1) Оқушының оқу мен оқыту туралы пікірін ескеру; («Математика – өміріммен өзектес» тақырыбында эссе;

• «Математика және менің болашақ мамандығым» тақырыбында эссе;

• «Математика және мен» тақырыптарында оқушыларға эссе жаздыру. )

2) Сыни ойландыратын жазба жұмыстар арқылы оқытуды жақсарту. (Әр тараудың соңында оқушыларға математикалық ертегі жаздырып көру.)

Нәтижені талдау:

• Сабақта және сабақтан тыс уақытта арнайы жазба жұмыстарын беру арқылы оқушылардың математикадан сауаттылығын артты;

• Өзін-өзі, бірін-бірі тани білуге мүмкіндік берді;

• Сыни ойландыратн жазба жұмыстар оқушының оқуға қөзқарасын өзгертті;

• Оқушы өз ісіне сыни көзқараспен қарап, бағалауы өзгерді.

Бақылау нәтижесі мен деректерді талдай отырып. рефлексия жүргізу.

Жоспарды қайта құрып, циклды қайталау: Зерттеуден туындаған сұраққа жауап беру.

Мұғалімдерге іс-әрекеттегі зерттеуді жоспарлау ұсынылады.

1-топқа: Сынып ішінде жүргізілетін іс-әрекеттегі зерттеу жоспары;

2-топқа: Әдістемелік бірлестік ішінде жүргізілетін іс-әрекеттегі зерттеу жоспары;

3-топқа: Мектепішілік бір проблемаға байланысты жүргізілетін зерттеу жоспары.

Жоғарыда берілген жоспардың үлгісі бар, өздерінің іс-тәжірибесі бар, соларға сүйене отырып топтар жұмыс жасайды.

ІV. Түйінді идея.

Мұғалімнің іс-әрекеттегі зерттеуі.

Коуч қатысушыларға проблеманы дұрыс анықтап, зерттеу сұрағын нақты қою жолдарын слайдтармен көрсетеді.

Қорапшалардағы іс-әрекеттегі зерттеу этаптарына байланысты әртүрлі заттарды рет-ретімен орналастырады.

Диалогқа қатысады, осы тақырып бойынша не білетіндерімен бөліседі.

Ойлана отырып жауап іздеп, өз ойларын ортаға салады.

Зерттеу жүргізуде қадамдарын нақтылап, аса ептілік, жауапкершілік қажет және тиімді әдіс-тәсілдерді пайдалана отырып, мұғалімерді ойлануға ынталандыру, қолдау көрсету керектігін түсінеді.

Жоспар үлгісі

Әр топ өздеріне қатысты бір проблеманы анықтап, зерттеу тақырыбын, зерттеу сұрағын, зерттеу мақсатын, күтілетін нәтиже, әрекет жоспарын құрады.Постер қорғайды.

Мұғалімнің іс-әрекеттегі зерттеуі туралы түйінді идея нақтыланады.

Кері байланыс

5 мин

Мақсаты:

Коучинг өткізу тиімділігі мен құндылығын білу, алған білімдерін саралау.

Әдіс-тәсілі: "Координаттар жүйесі"

Қатысушылардың кері байланысы "Координаттар жүйесі " әдісі арқылы жүргізіледі. Коучингке қатысушылар координаталар жүйесіне іс-әрекеттегі зерттеу жайлы білетіндерін 3 баллдық жүйеде белгілеп көрсетеді.

Координаталық жүйе (кері байланыс)

Қатысушының аты-жөні: _________________

3

2

1

Зерттеу Дереккөздер Зерттеу

кезеңдері құралдары

Коучингтің тиімділігі- мұғалімдер өздерін мазалаған сұрақтарына керекті мағлұматтар алған, алмағандығы жайлы өз ойларын білдіреді.

Құндылығы- іс жүзінде көрсетілген үлгі бойынша жоспарлаудың қыр-сырын түсіну екенін білдіреді.