Коучинг Lesson Study тәсілі – оқу үдерісінде оқушылардың белсенділігін арттырудың тиімді жолы

№3 Коучинг

24.09.2018ж.

90 мин.

Тақырыбы

Lesson Study тәсілі – оқу үдерісінде оқушылардың белсенділігін арттырудың тиімді жолы

Мақсаты

Жекелеген мұғалімдердің оқыту үдерісін жақсартуға, сол арқылы бір топ мұғалімнің педагогикалық әлеуетін дамытуға және оқушылардың оқу үлгерімін жақсартуға бағытталған тәсіл екенінен түсінік беру.

Түйінді идеялар

Жекелеген мұғалімдердің оқыту үдерісін жақсартуға, сол арқылы мұғалімнің педагогикалық әлеуетін дамытуға және оқушылардың оқу үлгерімін жақсартуға бағытталған тәсіл екенін әріптестерімізге жеткізу.

Нәтижесінде

• Оқу сапасын арттыру және қолдау көрсету арқылы оқу үлгерімін арттырады;

• Мектептің өзін-өзі бағалау үдерісіне қолдау көрсетеді;

• Оқушылардың жеке қажеттіліктерін түсінеді және шешу арқылы оқуды жетілдіреді;

• Мектеп проблемаларын шешу үшін өзінің әлеуетін дамытады.

Қолданылатын ресурстар

АКТ, бейнежазба, МАН ресурсы, флипчарт, түрлі түсті қаламдар, жапсырмалар

Коучингтің өткізілу барысы

Коучтің іс-әрекеті

Тыңдаушының іс-әрекеті

1. Ұйымдастыру кезеңі. Сәлемдесу. Коучингтің тақырыбы мен мақсатын таныстыру.

2. Сергіту сәті. Махамбеттің «Жұмыр қылыш» күйіне би.

3. Топқа бөлу.

Би аяқталған кезде өз жұптарымен көрсетілген орынға отырады. Өз топтарын табады. Топтың басшысын және мүшелерін сайлайды. Топ атын белгілейді.

4. Ой қозғау. LS туралы не білетіндерімен ой бөлісу.

Жеке жауаптарын тыңдау.

Тыңдаушылар LS туралы не білетіндерін жапсырмаға жазып, тақтаға іледі.

5. Тыңдаушыларға МАН-нан алынған LS туралы мәліметі бар парақшалар тарату.

«Түртіп алу» стратегиясы бойынша кестені толтырады, оны жұпта, топта талқылайды.

6. «LS әдісін мектептерде қолдану» атты таныстылым және бейнежазба көрсету.

Топ мүшелері бір-бірімен әңгімелеседі, талдайды.

7. Постер қорғау.

LS дегеніміз не? Оны не үшін пайдалануға болады?

Оны өткізудің кезеңдері қандай?

Таратылған флипчартқа өз ойларын бейнелейді. Дайын жұмысты келесі топ мүшелеріне көрсетеді. Екі топ мүшелері толықтыруды қажет тұстарын жазып толықтырады.

Рефлексия

Мен таң қалған...

Топ ішінде белсенділігімен, білімділігімен көзге ерекше түскен кім екенін жапсырмаға жазып, тақтаға іледі.

Қорытынды

«Ыстық орындық» стратегиясы бойынша көпшілік дауысқа ие болған тыңдаушы ортаға шығып, ұсынылған орындыққа отырады.

Топ мүшелерімен сұрақ-жауап алмасады.

Кері байланыс

«2 жұлдыз, бір тілек»

Стикерге өз ойларын жазады.