Коучинг: "Ұлттық мұра - ұрпаққа ұлағат" мұғалімдерге арналған

Тақырыбы:

Ұлттық мұра – ұрпаққа ұлағат

Күні:

02.05.2025 ж.

Мақсаты:

• Мұғалімдерге мектеп жүйесін жан-жақты дамыту үшін жаңа тәсілдер арқылы қажетті білімдер мен дағдыларды беру жолдарын көрсете отырып, ұлттық сана-сезімі қалыптасқан, ұлттық мүдденің өркендеуіне үлес қоса алатын ұлтжанды тұлға тәрбиелеуге бағыттау.

Міндеттері:

• Ұлттық мұраның мәнін түсіндіру;

• Жастар санасына ұлттық құндылықтарды сіңіру;

• Ұрпаққа ұлағат боларлық тәрбиелік бағыт беру.

Күтілетін нәтиже:

Мұғалімдер:

- өз халқын, оның мәдениеті мен дәстүрлерін мақтаныш тұтатын азамат тәрбиелеу функциясын меңгереді;

- өз сабағында ұлттық құндылықтардың элементтерін қолданудың тиімді тұстарын үйренеді.

Түйінді идея:

Мектептің жаны – мұғалім. Мұғалім қандай болса, мектеп сондай болмақшы. Яғни, мұғалім білімді болса, ол мектептен балалар көбірек білім алып шықпақшы. Солай болған соң, ең әуелі мектепке керегі – білімді, педагогика, методикадан хабардар, жақсы оқыта білетін мұғалім. (Ахмет Байтұрсынов)

Көрнекіліктер:

Мұғалім презентациясы, бейнежазба, ойын элементтері

Құндылықтар:

Ұлттық құндылықтарды дәріптеу

Кезеңдері:

Коучтің іс-әрекеті:

Тыңдаушылардың іс-әрекеті:

Ұйымдастыру

Қызығушылықты ояту

Кіріспе сөз:

Сәлеметсіздер ме, құрметті әріптестер! Сіздерді бүгінгі семинарда кездестіргеніме өте қуаныштымын!

XXI ғасыр – адамзат санасын жаңа сатыға көтеріп, үлкен жаңалықтар тасқынымен таңғалдырған дәуір болып табылады. Ақпараттық қоғам, технологиялық мәдениет ғасырында ұлттық рух, қазақы құндылықтар еліміздің қоғамдық санасы мен бүкіл болмысының өзегі болуы керек. Жаһандану заманында өзіндік келбетімізді сақтап, алып елдердің ығында жұтылып кетпей, ұлттық негізімізді сақтаушы күш - ол ұлттық құндылықтарымыз. Қазақ халқының ғасырлар тұңғиығынан бері тарихымен біте қайнасып келе жатқан ұрпақ тәрбиелеудегі тәжірибелері - рухани мәдениет, яғни ұлттық әдет-ғұрып, салт-дәстүрлер, ұлттық ойындар, ұлттық мерекелер, тағы басқа. Сондықтан оқу-тәрбие үдерісінде ұлттық мұра құндылықтарын бүгінгі қоғам талабымен үйлестіре білуіміз қажет.

Коучингтің тақырыбы, мақсаты, түйінді идеясы таныстырылады.

«ШАҢЫРАҚ пен УЫҚ» әдісі:

А.Байтұрсынов: «Жұрт керегін білетіндер – көп, істейтіндер – аз».

ЖИ арқылы тыңдайды:

Топтарға бөлінеді.

Өз тобын тауып, жайғасады.

Ой шақыру

«КУБИК-РУБИК» әдісі:

Болашақ ұрпақ тәрбиелеудегі ұлттық құндылықтардың маңызы туралы ой түйеді

1 тапсырма

Түрткі сұрақтар

«ЖАРНАМА» әдісі:

• Қазақ халқының қандай салт-дәстүрлерін мектепте көбірек дәріптеу қажет?

• Болашақ ұрпаққа ұлттық мұраны жеткізу үшін қандай бастамалар жасауға болады?

А.Байтұрсынов: «Сөздің ең ұлысы – тарих».

Жарнамалайды, әңгімені әрі қарай өрбітеді. Ойларын қағаз бетіне түсіреді.

2 тапсырма

Сергіту сәті

«АСЫҚ терапиясы»:

Кері байланыс

«ЗАМАНДАСҚА ХАТ» әдісі:

Ұлттық құндылықтар дегеніміз – халқымыздың ұлттық болмысын, ерекшелігін айқындайтын оның мәдениеті, тілі, өнері, діні.

Ол белгілі бір ұлтқа, өз ұлтын құрмет тұтатын әр азаматқа тән болу керек. Әрбір жеке тұлға өз ана тілін, шежірелі тарихын, төл мәдениетін меңгеру арқылы ұлттық сана-сезімін қалыптастырады.

Рефлексия

«ЖЕТІ ҚАЗЫНА» ойыны:

Мақал немесе нақыл сөздермен қорытындылайды, коучингтен алған әсерлерін ортаға салады.