Күздің соңғы күні 7 сынып

Эссе

Күздің соңғы күндері

Күз. Қыркүйек айының соңына дейін суық түсе қойған жоқ

Бүгін күз айынынң тамаша бір күні болды. Шіркін, табиғат-ана ғажап қой! Әр мезгілдің адамның жан-дүниесіне ерекше әсер ететін шақтары болады.

Осынау бір күздің тамаша күнін жіберіп алмай, бір жақсылап тамашалап қайтқым келіп,ауыл ортасындағы шағын саябаққа аяңдадым...

Әлгінде ғана сіркіреп жауған жауын бір мезгіл басыла қалып, аспан шайдай ашыла қалды.Жауыннан кейінгі саф ауаны жұтқан сайын, көңіл сарайым ашылып, көзімді жұмған күйімде рахатқа батып, отырып қалыппын.

Ал ағаштар ше? Олар да шаң-тозаңнан бойларын тазартып, рахаттанып, тынысталып тұр. Ағаш жапырақтарының үстінде жауын тамшылары жылт жылт етіп, бейне бір інжу-маржандардан әшекей тағып алған сияқты.Саябақ ішіндегі жан-жаққа тарап жатқан жолдар ше? Бейне бір алтын түстес сары матаңың үстінде қоңыр жолақтар салып безендіріп тастағандай.Ғажап көрініс қой!

Ақын жырлағандай:

...Жазғы бақта, жазғы бақта

Саулайды жапырақтар,

Өз өмірін соңғы рет бір жыр етіп...

Осындай күздің бір жаймашуақ күніне өз ризашылықтарын білдіргендей, құстар да шықылықтап, енді бірде бәрі қосылып, хормен әнге басқандай шулап ала жөнеледі...

Иә, данышпан Абай атамыз жылдың төрт мезгілін бекерден бекер өлеңге қосқан жоқ-ау!

Жылдың әр мезгілі өзінше бір ерекше, өзінше бір әдемі ғой. Әсіресе күз айы шығармашылықпен айналысатын адамдарға ерекше әсер етіп, шабыттандырады, жан-дүниесіне , сезіміне есер етеді.

Жаз өмірін мәз өмірін қысқартып,

Бара жатыр құс құс қайтып....

Еріксіз өлең жолдары тіліңі оралады. Міне, қасыма досым да келе қалды. Екеуіміз осындай тамаша көріністің аясында суретке де түсіп алдық.

Көп ұзамай қыс та келіп жетеді. Осы әдемі көріністің бәрін аппақ көрпесімен жауып тастайды. Қыс та өзінің ерекше әдемі шақтарын бізге тарту ететін болады.

Досыммен қоштасып, үйге қарай жайлап басып келемін.

Күздің соңғы күндері!... Алысқа сапар шегіп бара жатқан жақынымдай. Сенімен қайта қауышатыныма сенемін. Тек біз өмір сүріп жатқан қара жер, осынау сырға толы әлемде тыныштық жақсылық болсыншы деп тілеймін! Осынау ғажап табиғат-ананы адамзатқа сыйға тартқан жаратқан иемізге мыңда бір шүкір дегім келеді!