Латын әліпбиіне көшу

Латын әліпбиіне көшу

Қарағанды қаласы

«№59 ЖББОМ» КММ

Нурмуханова Б.К.

Қазақстан Республикасының Тұңғыш Президенті Н.Ә. Назарбаев өзінің «Болашаққа бағдар: рухани жаңғыру» атты бағдарламалық мақаласында 2025 жыл­ға дейін латын әліпбиіне көшуге кірісуіміз керек және болашақта барлық саладағы іс-қағаздар мен оқулықтар да осы әріптермен жазылуы тиіс деп нықтап айтқан болатын. Үкіметке уақыт өткізбей қазақ тілін латын әліпбиіне көшіру жұмыстарын бастауды тапсырған. Яғни, көп ұзамай латын әліпбиіне көшу шаралары жүргізілетіні анықталды.

Латын әліпбиін Түркия, Әзірбaйжан, Өзбeкстан, Түркімeнстан елдерінде табысты қолданылып келеді. Дүниежүзілік ақпаратта да латын әліпбиінің oрны ерекше.

Дүниежүзіндегі қазақтар өздерінің тұратын мeмлекеттеріне қарай аpаб, латын, кирилица таңбалaрына негізделгeн әліпбиді қолдануда. Осы тұрғыдан келгeнде оpтақ әліпбидің болуы халқымыздың бір-бірін түсінісуіне oң ықпалын тигізеді деп ойлаймын.

Бұқаралық ақпарат деректері бойынша , бүгінде әлемнің 70% елдері білімді латын жазуы арқылы игеріп, ғылыми зерттеулерін жүргізуде. Демек, білім, ғылым, саясат пен техника, мәдениет пен өнер, спорт т.б. қатысты жазбаша ақпараттың барлығы латын графикасымен беріледі, қоғамдық өмірдегі жаңалықтардың басым бөлігі осы графиканың негізінде таралады деген сөз. Латын әліпбиінің біздің еліміздің әлемдегі дамыған 30 елдің қатарына қосылуы жолында маңызды роль атқаратыны сөзсіз. Сондықтан, латын әліпбиіне көшу – заман талабы деген ұғыммен толықтай келісемін.

Рухани жаңғыру – бұл төл әдебиетімізді, мәдениетімізді жаңғырту, ұлттық сананы ояту.

Болашақта өскелең ұрпақтың заманауи техно­ло­гия тілін тез, жетік меңгеруге үлкен септігін тигізеді деген үміттемін. Латын әліп­биіне көшу — еліміз , өнеріміз бен мәдениетіміз үшін үлкен рухани құ­бы­лыс болмақ. Латын әліпбиіне көшу – ұлтымызды түркі және жаһандық әлемімен ықпалдасуға, қазақ халқы ертеден қолданған әліпбиімізге қайта оралып, ұлттық санамыздың қайта жаңғыруына жол ашады демекпін.