Латын қаріпі, заман талабы

Латын әліпбиіне көшу-заман талабы десек те...

Қоғамға үлкен қозғау салып, сан тарап пікір туғызған жазуды латын әліпбиіне көшіру мәселесі бойынша студенттердің ой- пікірін байқау мақсатында эссе жаздырдық.

Әрине, пікірлер екіге жарылды. Латын әліпбиіне көшудегі басты мақсат-қазақ тілінің халықаралық, түркі дүниесіндегі танымалдылығын арттыру,жаңа мүмкіндіктерін ашу.

19 ақпандағы Елбасының №637 жарлығына қосымша болып өзгерістермен қабылданған әліппе біршама жинақы, нақты жасалғанын байқауға болады. 6 әріпте (А`а`-ә,

G` g`-ғ, N` n`- ң, O`o`-ө, U`u`-ү, Y`y`-у) апостроф, екі әріпте (Sh -ш, Ch -ч ) диграф қолданылған.

Кирилицадағы 41 әріптен 32 таңбаға ықшамдалынғанын жаңа әліпбидің жеістігі деп санайды бір тобы.

Кейбір студенттер әліппені ауыстыру қоғамда дағдару мен іркілістер алып келеді деген пікірде. Жаппай сауатсыздық, оқу-білімде, отбасында баяулық орын алады. Ащы, тұщы, кеще сөздерінде ғана жазылатын щ әріпі мүлде жоқ. Диграфпен берілген ш әрпін екі рет жазатын болсақ ащы сөзі мына түрде ashshy жазыла ма? Мұндай мысалдар и й-I i бір таңбамен, I i-і-нің бас әрпінде де дүдамал сияқты деген пікірлер кездесті.

Байқауымызша білім алушылардың қоғамдық пікірі қалыптасқан, көзқарас бағыттарын ашық, айқын білдіре алған.