Б.Момышұлы атындағы

№35 мектеп-гимназиясы

Б.Т.Уркинбай

Бастауыш сынып мұғалімі

Педагог-зерттеуші

Логикалық тапсырмалар мен басқатырғылар

Бастауыш сынып оқушыларының логикалық ойлау қабілетін дамыту – олардың танымдық белсенділігі мен зияткерлік мүмкіндіктерін жетілдірудің негізгі шарттарының бірі. Қазіргі заманғы білім беру жүйесінде тек теориялық біліммен шектелу жеткіліксіз, балалардың аналитикалық ойлау дағдыларын дамыту, логикалық заңдылықтарды түсіну және өз бетімен шешім қабылдау қабілеттерін қалыптастыру маңызды.

Бұл бағдарлама 4-сынып оқушыларына арналған логикалық тапсырмалар мен басқатырғылар жүйесін қамтиды. Бағдарлама балалардың математикалық, кеңістіктік және шығармашылық ойлау қабілеттерін дамытуға бағытталған. Логикалық есептерді шешу арқылы оқушылар талдау, салыстыру, қорытынды жасау, ықтимал шешімдерді қарастыру дағдыларын меңгереді. Сонымен қатар, берілген тапсырмалар олардың зейінін арттырып, есте сақтау қабілетін жақсартады.

Бағдарлама барысында оқушылар жеке, жұптық және топтық жұмыс түрлерін орындайды. Бұл тапсырмалар ойын элементтерімен ұштасып, балалардың пәнге деген қызығушылығын арттырады. Бағдарламаны жүзеге асыру барысында оқушылардың нәтижелерін бақылау үшін бағалау критерийлері қарастырылған.

Осы бағдарлама оқушылардың сыни ойлау дағдыларын жетілдіруге, интеллектуалды қабілеттерін дамытуға және мектеп бағдарламасындағы басқа пәндерді игеруге көмектеседі.

Бағдарламаның мақсаты

4-сынып оқушыларының логикалық ойлау қабілетін дамыту, шығармашылық ойлауын жетілдіру және күрделі тапсырмаларды шешуге машықтандыру арқылы олардың танымдық белсенділігін арттыру.

Бағдарламаның өзектілігі

Білім алушылардың оқу бағдарламасындағы стандартты тапсырмалардан бөлек, логикалық ойлау қабілетін дамытатын шығармашылық тапсырмалар мен басқатырғыларды шешу қажеттілігі туындап отыр. Қазіргі білім беру жүйесінде оқушылардың функционалдық сауаттылығын арттыру маңызды, ал бұл бағдарлама осы қажеттілікті қанағаттандырады.

Бағдарламаның ғылымилығы

Логикалық ойлау дағдыларын дамыту нейропсихология, когнитивтік психология және педагогика салаларының ғылыми зерттеулеріне негізделген. Бағдарлама құру барысында балалардың жас ерекшеліктері мен психологиялық дамуы ескерілді.

Бағдарламаның бағыттылығы

Бағдарлама бастауыш сынып оқушыларының ойлау қабілеттерін дамытуға, логикалық заңдылықтарды түсінуге және проблемаларды шешуге бағытталған.

Бағдарламаның жаңашылдығы

• Тапсырмалар оқушылардың жас ерекшеліктеріне сәйкестендіріліп, заманауи ойын технологияларымен толықтырылған.

• Логикалық ойлауды дамытудың инновациялық әдістері қолданылды.

• Оқушылардың зейінін арттыруға арналған ойын элементтері қамтылған.

Бағдарламаның міндеттері

• Логикалық ойлаудың негізгі қағидаларын меңгерту.

• Танымдық белсенділікті арттыру.

• Сыни ойлау дағдыларын дамыту.

• Шығармашылық ойлауды қалыптастыру.

• Топтық және жеке жұмыс барысында логикалық тапсырмаларды шешуді үйрету.

Күтілетін нәтиже

Бағдарлама аяқталғаннан кейін оқушылар:

• Логикалық тапсырмаларды тиімді шешуді меңгереді.

• Аналитикалық және сыни ойлау дағдыларын дамытады.

• Логикалық есептерді шешуде шығармашылық тәсілдерді қолданады.

• Түрлі әдістер арқылы проблемаларды шешу жолдарын таба алады.

Тұрақтылық мазмұндық бөлім

1. Логикалық ойлау және математикалық ойындар

• Логикалық есептерді шешу қабілеттері дамиды.

• «Кім жылдам?», «Тез ойла» математикалық ойындары арқылы тез ойлау дағдылары жетіледі.

• «Кім қырағы?» ойыны арқылы зейіні артады.

• «Жас математиктер» турнирі арқылы командалық жұмысқа бейімделеді.

2. Арифметикалық және алгебралық дағдылар

• Теңдіктер мен теңсіздіктерді ажыратады және дұрыс қолданады.

• Құпия сандарды тауып, олардың заңдылықтарын анықтайды.

• Уақыт өлшемдерін меңгереді және оларды қолданады.

• Есептеудің оңай жолдарын үйреніп, тиімді әдістерді қолданады.

3. Геометриялық түсініктер және кеңістіктік ойлау

• Геометриялық фигураларды қолдану арқылы есептер шешеді.

• Шеңбер мен дөңгелек туралы түсініктерін бекітеді.

• Сиқырлы үшбұрыштармен жұмыс жасау арқылы логикалық қабілеттерін жетілдіреді.

4. Шығармашылық және ойын түрінде оқыту

• Ертегілер еліне саяхат жасай отырып, математикалық есептер құрастырады.

• Сурет бойынша есептер құрастыру қабілеттері дамиды.

• Сандар қатарын құрастыру арқылы сандар арасындағы байланысты анықтайды.

• Халық өлшемдерімен танысып, оларды қолданады.

5. Бекіту және қорытындылау

• Қызықты жаттығулар арқылы алған білімдерін бекітеді.

• Қорытынды тесттер арқылы өз білімдерін тексереді.

• Математикалық диктант арқылы есептеу дағдыларын нығайтады.

• Өткенді қайталау тесттері арқылы өз жетістіктерін бағалайды.

6. Танымдық және шығармашылық тапсырмалар

• Жасырылған сөз (кроссворд) шешу арқылы сөздік қорын және логикалық ойлау қабілетін дамытады.

• Математикалық ребустар арқылы шығармашылық қабілеттерін жетілдіреді.

• Жұмбақ есептерді шешу арқылы есептеуге деген қызығушылықтары артады.

• Математикалық әзілдер, жұмбақтар, өлең есептер арқылы пәнге деген қызығушылығы күшейеді.

• Сиқырлы сандық пен сиқырлы шаршылар арқылы математикалық заңдылықтарды меңгереді.

Сабақтың барысы