Логопед маманының қорытындысы

Логопед маманының оқу жылындағы қорытындысы

оқу жылында барлығы 37 бала тіркелген. Оның 17-ұл, 20-қыз бала. Iжартыжылдықта 30 бала тіркелсе, II жартыжылдықта 7 бала тіркелген. 2 бала арнайы түзету орталықтарына барады, 3 балада тіл асты байламы қысқа, 1 балада тістенуі дұрыс емес, 6 балада сөздік қоры аз, 2 балада алғашқы сөздік қоры дамымаған(соның ішінде 1 балада түсінік қалыптаспаған), қалған 23 балада түрлі дыбыстардың бұзылыстары тіркелген.

Менің жұмыстың негізгі бағыттары:

-барлық топтағы балаларды тексеру;

-балалардың сөйлеу тілінің бұзылуын жою үшін жеке сабақтар өткізу;

- балалардың сөйлеуін дамыту және оларды мектепке дайындау бойынша логопедиялық бақылауды жүзеге асыру;

-мектепке дейінгі білім беру мекемесінің тәрбиешілерімен, педагог-психологымен, қосымша білім беру педагогтарымен, дене шынықтыру нұсқаушысымен, музыка жетекшісімен және басқа да мамандарымен қарым-қатынасты жүзеге асыру;

- қызметкерлер, ата-аналар арасында логопедиялық сабақтарды насихаттау (ата-аналарға кеңес беру, тәрбиешілерге кеңес беру).

Қазіргі кезде логопункке тіркелген бала саны 28. Жыл бойы балалармен жеке сабақтар өткізілді.

Жұмыс барысында топ ішінен балалар іріктелініп алынды, тыныс алу жаттығулары, артикуляциялық жаттығулар жасалынды, жалпы, ұсақ моторикасын, ойлау қабілеттерін дамытуға арналған ойындар ойнатылды, сөздік қорын дамытуға арналған жұмыстар жүргізілді, балаларға түрлі дыбыстар қойылды, дыбыстарды машықтандыру жұмыстары жүргізілді, ата-аналарына, сонымен қатар тәрбиешілеріне кеңес берілді.