Оқу сабағының жоспары №

Магнит өрісі. Заттардың магниттік қасиеттері.

(сабақтың тақырыбы)

Модуль /пән атауы ЖББП 9 Физика

Педагог _______________дайындады.

20_ жылғы "___" ____________

1. Жалпы мәліметтер

Курс, топ __________________

Сабақтың түрі жаңа сабақ

Өткізу формасы: жаңа білімді, дағдыларды дарыту сабағы

2. Мақсаты:

- заттарды магниттік қасиеттері бойынша топтастыру және олардың қолдану аймағын анықтау.

Міндеттері:

-магнит өрісі туралы біледі.

-магнит өрісін сипаттайтын шамаларды анықтайды.

-магнит өрісі векторының күш сызықтарын сипаттайды.

3. Күтілетін нәтижелер

- неодим магниттің сипаттамаларын түсіндіре алады.

- қазіргі заманғы әлемде магнитті пайдалану туралы түсінік береді.

4. Қажетті ресурстар

презентация, стикерлер, үлестірме қағаздар.

5. Сабақтың барысы

1. Ұйымдастыру бөлімі (5 мин)

-амандасу.

-аудитория дайындығын тексеру.

-студенттерді түгендеу.

2. Ой қозғау (скаффолдинг) 5 мин

Cуретке қарап, бүгінгі сабағымыздың мақсаты қандай болмақ деп ойлайсыздар?

Әр студент стикерге сабақ мақсатына байланысты бір кілттік сөзді ұсынады.

Бағалау критерийі: Адамның қолында тұрған – компас. Магниттік құбылыстарды қарастырамыз.

Интеллектуалды құндылықтар→ Шығармашылық ойлау: Жаңа идеялар мен тасындашешімдерді табуға қабілетті болу, инновация мен креативтілікті дамыту.

3. Жаңасын баяндау әдісі 8 мин

Әр студентке кесте беріледі.

Презентация арқылы лекция жазады.

Топтық жұмыс . 10 мин Бейнеклипті пайдалана отырып, Padlet тақтасында постер жасау

1.Неодим магниттерінің әртүрлі қолданылуын түсіндіреді. http://electrik.info/main/news/984-neodimovye-magnity.html

2. Сейсмометрдің жұмысын түсіндіреді.

https://youtu.be/Rn55roOx0YI

Бағалау: SWOT талдау. Әр топ бір-бірінің жүмысын бағлайды.

Практикалық жұмыс. Эрстедтің тәжірибесін жасау. 5 мин

Қажетті құралдар:

1. Электрлік сым (жұқа мыс сым, 1-2 м ұзындықта)

2. Батарея (1,5 В немесе 9 В)

3. Қосқыштар

4. Магнитті компас

5. Қағаз немесе оқшаулағыш зат

6. Батарея ұстаушы

Практикалық жұмыс барысы:

1. Сымды дайындау: Жұқа мыс сымды алыңыз және оны біршама ұзындықта кесіңіз. Бір ұшын батареяның бір полюсіне қосыңыз.

2. Магнитті компасты орналастыру: Қағазды үстелдің үстіне қойып, оған магнитті компасты орналастырыңыз. Компастың көрсеткен бағытын жазып алыңыз.

3. Сымды қосу: Екінші ұшын батареяның басқа полюсіне қосыңыз. Осы сым бойымен электр тогы өтетін болады.

4. Магниттік әсерді байқау: Ток өткен кезде сымды магнитті компастың жанына қойыңыз. Сым арқылы ток өтсе, компастың көрсеткен бағыты өзгеретінін байқайсыз. Бұл электр тогының магниттік өріс тудыратынын көрсетеді.

Қорытынды:

• Сым арқылы ток өткенде магнитті компас бағанасы өзгереді. Бұл электр тогының магнит өрісін тудыруы туралы көрсетеді.

• Ток бағытын өзгерткенде немесе сымның орналасуын өзгерткенде компастың бағыты өзгереді. Бұл құбылыс ток пен магнит өрісінің өзара әрекеттесетінін айғақтайды.

Бағалау критерийі: Бұл тәжірибе Эрстедтің ашқан заңдылықтарын көрсетеді және электр мен магниттің өзара байланысын түсінуге мүмкіндік береді.

4. Материалды бекіту. 5 мин

1. Электромагнитті қолданудың кез-келген үш мысалын көрсетіңіз..

2. Төменде берілген анықтамаларға мысал келтіріңіз:

• Тұрақты магнит…………………………..

• Тұрақсыз магнит…………………………

3. Электр және магниттік құбылыстардың байланысын кім және қалай ашқан?

4. Эрстед тәжірибесі туралы не білесіздер?

5. Сабақтың қорытындысын шығару Бағалау парағы бойынша 3-мин

Рефлексия

- нені білдім, нені үйрендім

- нені толық түсінбедім

- немен жұмысты жалғастыру қажет

7. Үй тапсырмасы. 2 мин

Магнит өрісін суретін бейнелеу.