"Мамандығым-мақтанышым" жас мамандар сайысы

«Мамандығым - мақтанышым»

жас мамандар сайысы.

Барысы:
жүргізуші: 
Қош келдіңіз құрметті көрермендер!
Әрдайым қуанышқа кенелгендер
Бастайық кешімізді рұқсат болса
Бәріңіз тамашалап көріңіздер

Ұстаздар тапжылмайтын еңбеккерлер
Жемісті жерге екпеген елге еккендер
Азамат ұрпақтарын тәрбиелеп
Зердесін болашақтың зерлеткендер

дей келе барша ұстаздар қауымы, сіздерді 5 қазан-«Ұстаздар күні» мерекесімен құттықтаймыз.  Әр ұстаздың еңбегіне нұр, шығармашылық табыс тілейміз. Ұстаз-ол ұлы тұлға. Ұстазға ғалым да, шахтер де, дәрігер мен ұлы ақындар да табынып, бас иген, ұстаз алдынан тәлім алған, әрі тәрбие көзін қабылдаған. Ұстаздар мерекесі қарсаңында өткелі отырған «Мамандығым мақтанышым» атты жас мамндар сайысына қош келдіңіздер!

Ұстаздар ұлағатты зиялылар
Сендерде ғалымдардың қиялы бар
Сайысуға келіп тұр жас ұстаздар
Қошеметпен қол соғып қарсы алыңдар дей келе бүгінгі сайысымыздың талапкерлерін ортаға шақырайық.

жүргізуші: 
Жас мамандар еңбектеніп талмаған 
Сара жолмен алға өрлеп самғаған
Алдарыңа Әуез Мөлдір келіп тұр
Талаптарын ізденіспен жалғаған

жүргізуші: 
Алғыр ой, терең білім сезім тұнған
Жас мамандар келіп тұр арман қуған
Қол соғып қарсы алайық Мырзалиева Айжанды
Бәйгеде озамын деп келіп тұрған
жүргізуші: 
Бұл сайыста үзеңгі қағыстырып
Көрейік ұстаздарды жарыстырып

Ақжарқын мінезімен ортаңызға

Бақ сынап жеттіміне Гүлфарида

Спортты ермек етіп таңдапты,

Сергіту мен жүгіртуден нәр татты.

Амангелді Гүлдананың мақсаты,

Спортшы қылмақ балаларды салмақты.

Талапкерлер өз орындарыңызға жайғасуларыңызды сұраймын.

жүргізуші: 
Кешімізді бастамас бұрын байқауымыздың негізгі арқауы болып, жас ұстаздарға баға беру үшін осында келіп отырған әділқазылар алқасымен таныс болыңыздар

Балабақшамыздың меңгерушісі: Машенбаева Алия Қуатбайқызы

Балабақшамыздың Әдіскері : Ерсайын Мөлдір Болатқызы

Балабақшамыздың музыка жетекшісі: Сүлейменова Самиға

Қол соғып қошемет білдіріп қояйық!

Талапкерлеріміздің бағасы сайыс соңында бағаланып, мақтау қағазымен марапатталады .

Ал енді жарыстың барысымен таныстырып өтейін

1. кезең таныстыру (3 мин)

2. Панорамалық сабақ «Менің педагогикалық қызметім» деп аталады. (Ұзақтығы 10 мин)

3. өз өнері (5мин)

4. Ситуациялық сұрақ (Ойлануға 2 мин)

Сайысымызды бастамас бұрын әр талапкер өз реттік номерін экрандағы ұяшықтар арқылы таңдауларын сұраймыз.

Талапкерлер дайын болғанша балабақшамыздың бүлдіршіндерінің орындауындағы «менің әнім тамаша» атты балалар хорын қабыл алыңыздар

1-кезең

Бүгінде озық – дәстүр, салт-сананы
Берік ұстап, сүйетін от панасын.
Ұстаздар кетсін өзін таныстырып.
Қуантып жолдас-жора, құрдастарын.- деп сайысымыздың бірінші шарты, ата салтымыздан қалыптасып қалған «Сәлем – сөздің басы» дегендей сайыскерлеріміз өздерін-өзі таныстыруға кезек берейік.
- Визиттік карточка (хобби) ұзақтығы 3 минут.

2 - кезең
Бәрімізді бей - жай қылған тақырып,
Сырласайық ой - теңізін сапырып.
Батыл болсын, анық болсын пікірлер.
Сөз маржаны жатсын тыңнан атылып - деп сайысымыздың келесі кезеңі «Панорамалық сабақ» және «Менің педагогикалық қызметім» деп аталады. Бұл кезеңде сайыскерлер өзінің жұмыс қызметіндегі бір сабақтан үзінді көрсетеді және өзінің педагогикалық қызметін қорғайды.

3- кезең

Біз білмеген, көрмеген,
        Бар екен қандай өнерің.
        Тамашалайық, қане, баста,
        Өнеріңді  таныт, отырған  мына халқыңа! 3- кезең өз өнері Талапкерлерімізді реттік номерлері бойынша өз өнерлерін көрсетуге ортаға шақырамыз.

4- кезең
Қане достар пікірлесіп қарайық,
Қилы - қилы ойды ортаға салайық.
Сан - салалы асыл ойлар тоғысып,
Толғандырған жайды шешіп алайық.
– дей келе сайысымыздың келесі кезеңін бастайық. жалпы баламен жұмыс жасау барысында кездескен психологиялық жағдаяттардан шығу тапқырлығы мен ақылдылығын сынайтын сәт те келіп жетті.
(Сайыскерлер интерактивті тақтадан қажетті нөмірді таңдап, таңдаған нөмірге сәйкес сұраққа жағдаятты шешу ұсынылады. Ойлануға 2 минут.)

Талапкерлер берілген тақырыптарға өз ойларын береді.

Кешіміз өтіп жатыр салтанатты
Төгілген күн нұрының шапағаты
Халайық, қаттырақ қол соғыңдаршы
Көңілді сәтте келіп қапты.

Жарыс деген қобалжытар көңілді
Биіктерге өрлеп биік келесің.
Бұл сайыста жеңілерсің, жеңерсің
Басты міндет сабақ алу, үлгі етіп.

Дей келе жеңімпазды анықтау, мадақтау, құттықтау.
Сөз кезегі әділ қазылар алқасына беріледі

Сіздердің құрметтеріңізге балабақша бүлдіршіндері «көңілді гномдар» биін билейді

Қорыту. Әділқазылар сөзі