Мамандық-сенің айнадағы бейнеңнің көлеңкесі

Адамзат өзін құрбан етуге даяр мына өмір-қамшының сабындай тым қысқа.Аз ғана ғұмырыңды мағыналы әрі бақытты кешу үшін жаныңның қажеттіліктерін қанағаттандыру керексің.Ел аузындағы «болашақ жар және мамандық таңдаудан қателеспе» деген сөздің жаны бар.Мамандық-сенің өмірде адам ретінде қалыптасуыңа себепкер.

Сен жинаған ақыл-білім кірпіш іспеттес.Кірпіштерді нық қаласаң берік үйге ие боласың. «Мамандық таңдау – өміріңіздің бір кірпішін дұрыс қалау» ,- деп Хосе Марти айтқандай мамандықтың адам өмірінде маңызы зор.Сені 8 сағаттық жұмыс уақыты,кеңседегі жұмыс қызықтырмауы мүмкін.Сенің жаның не нәрседен рахат тапса,мамандығыңды сонымен байланыстыр.Өміріңді бос оқу,лекциялармен құртып өзіңе қиянат жасама.Сенің мамандығың сені жалықтырмауы тиіс.Бос арманмен өмір сүруге лайықты емессің.Армандарыңа қол жеткізу үшін тынбай еңбектенуің қажет.Сен қыруар ақшаға ие болу үшін еңбек етсең,ешкімнен қалмау үшін әрекет қылсаң да бұл жаман емес.Бастысы мықты маманға айналасың,ақыл қосып,өз қателіктеріңді түсінерсің.Қателікті мойындаған жақсы,ал қателеспеу-одан да жақсы.Болашаққа қадам жасарда қателеспе.

Бір сәт ойға шомып көр,сен қазір бақыттысың ба? Әр таң атқан сайын жұмысыңа асығып күн бойына энергияң сарқылмас болса немесе қатты шаршасаң да бойыңды қуаныш билесе сен жарадың.Таңдаған жолың дұрыс,осы бағыттан қателеспе.Расында мамандықтың жанмен не байланысы бар?Адам ерекше нәрсеге құмартып тұрады.Сен неге өзгелерді қайталауың қажет,неге өзге болмасқа?Мемлекетте заңға бағынуға міндетті болсаң да,өмір сүру және мамандықты таңдау өз қолыңда.Коллекционер,кондитер,аудармашы,ұстаз,визажист қайсысын қалайсың?Бәрі ме?Бұл қиын емес,сенің қолыңнан бәрі де келеді,үлгере де,табысқа жете де,демала да аласың.Өмір сүру адамды шаршатпайды,өмірді қиындатар да,мәнсіз етер де өзіміз.

Мамандық таңдау шындығыңда оңай емес. Өз ісінің нағыз маманы атану екінің біріне бұйырмаған.Ең алдымен мамандығыңа деген махаббат керек. Мамандыққа деген махаббат пен карьерист болу екі бөлек Махаббатпен істелген жұмыс қана нәтиже бермек. Қоғам сені қалай қабылдайды,оларға пайдаң тиюде ме?Жалпы не нәрседе болмасын ақылдаса қабылданған шешімнің пайдасы зор.Өміріңе бейжай қарамауың керек.Адам өз жұмысын ешкімнің көмек күтпестей жасауы тиіс. Алуан-алуан кәсіп бар,

таңдай біл де,талап қыл!