Мамандықты дұрыс таңдай білу

Мамандықты дұрыс таңдай білу

Мамандықты дұрыс таңдау - өміріңіздің алғашқы қадамдарын дұрыс басу. Қазір мектеп түлектері ҰБТ сынағын бітіріп, оқу орны мен мамандықтарын қызу таңдау үстінде. Мамандық таңдау деген өзің айналысқың келетін жұмысты таңдау ғана емес, өзің араласқың келетін ортаны да таңдау. Түлектердің өзі қалаған оқу орнын таңдауы оңай істердің бірі емес. Осыдан біраз жыл бұрын мамандықтар айтарлықтай көп болған жоқ. Ер азаматтар қара жумыспен айналысып сыртта жүрсе, әйелдер тігін тігіп, үй ісімен айналысқан. Заман ағымына сай адамдар да жетіліп, қоғам дамып, түрлі жұмыстар, сәйкесінші мамандықтар мен мамандар пайда болуда.Қазақ: "Адам екі түрлі нәрсені таңдаудан қателеспеуі керек. Бірі - жар таңдау, екіншісі - мамандық таңдау" деп бекер айтпаса керек. Себебі адамның болашағына әсер ететін ең үлкен жеткен нәтижелері осылар деседе болады.Өз ісінің нағыз маманы атану екінің бірінің қолынан келмейді. Әрбір мамандықтың еліне тигізетін көмегі мол.Ол үшін өз ісіңе деген махаббат. Махаббатпен істелген іс қана қанағаттандырарлық нәтиже бермек. Яғни, мамандығыңыз сүйікті ісіңізге айналуы қажет.Абай атамыз " Сенде бір кірпіш дүниеге, кетігін тапта бар қалан" деп айтқандай білім нәрімен сусындап, еліміздің көркейіп жайнауына бәріміз өз үлесімізді қосуымыз керек. Бірақ ең ауыр мамандық - адам болып, өз қалпыңда қалу екендігін ұмытпайық. Барлық түлекке өз мамандығын дұрыс таңдап, дүниеден өз орнын тауып, өз өмірінің кірпішін дұрыс қалауына тілектеспін!