Мамндығым мақтанышым

Алматы облысы

Кербұлақ ауданы

Майтөбе ауылы

«Шанханай негізгі мектебі» КММ

Логопеді

Самбетова Гүльдана Ерғалиқызы

Мамандығым мақтанышым!

«Эссе»

«Ақырын жүріп, анық бас,

Еңбегің кетпес далаға,

Ұстаздық еткен жалықпас,

Үйретуден балаға......» - деп, Абай атамыз бекер айтпаған.Ұстаздық - бұл өмірдегі ең жақсы, ең адал, ең жауапты, қызығы мен қиыншылығы қатар жүретін мамандықтардың бірі.Ұстаз... жаратылысынан өзіне айтылғанның бәрін жете түсінген, көрген, естіген және аңғарған нәрселердің бәрін жадында жақсы сақтайтын, ешнәрсені ұмытпайтын, алғыр да аңғарымпаз ақыл иесі, өнер білімге құштар, жаны асқақ және ар-намысын ардақтайтын, жұрттың бәріне жақсылық пен ізгілік көрсетіп, қорқыныш пен жасқану дегенді білмейтін батыл, ержүрек болуы керек.

Мен тіл кемістігі бар балалармен жұмыс жүргізетін логопед маманы ретінде жұмыс жасап жатқанымды мақтан тұтамын. Жас маман болсам да өз бетіммен ізденіп осындай көмек керек балаларға өз білгенімді бөлісіп, үйретіп, алдағы уақытта жақсы әрі нық сөйлеуі үшін жұмыс жасаудамын.

Ата-аналар маған балам дұрыс сөйлей алмайды деп келгенде, олардың сенімімен өзіме жүктелген үлкен жауапкершілікті сезінемін. Әрине, әр баланың өзіндік ерекшелігі болады. Бірақ әр проблеманы жан-жақты зерттеп, көмектесуге барымды саламын. Логопед маманының негізгі жұмысының маңызы- көптеген тіл кемістігінің түрлерін түзету, сөздік қорын толықтыру, ауызша сөйлеуді үйретіп қана қоймай, өз сабақтарында көптеген әдіс-тәсілдерді пайдалана отырып,оқушылардың саусақ, қол маторикасын дамытумен ерекшеленеді. Осыған орай ,мен жас маман болсам да өз беттіммен ізденіп, әр оқушының өзінің деңгейіне қарай сабақта қолданылатын көрнекіліктер мен құрал-жабдықтарды өз қолымнан дайындап, қазіргі таңда сабақтарымда қолдану үстіндемін. Бұл оқушыға да және маған да өте ыңғайлы.Оқушының тілін тауып, тілдесу, жақсы тәрбие берудің өзі -мен үшін үлкен ғанибет. Ақ парақ бетіне сызу салғандай баланың кіршіксіз санасына адамгершілік, мейрімділік нұрын сеуіп, білім, өнер нәрімен сусындату- ұстаз деген ұлы тұлғаның парызы.

Балаларымызды сөйлеткізіп, олардың тілін дамытып, инемен құдық қазғандай үлкен жұмысты атқарып жүргенім менің ізденісімді одан ары арттырмақ.