Мәңгілік ел

Мәңгілік ел мекенім

Еңселі елім менің,

Кең, байтақ жерім менің.

Мәңгілік мұратың боп,

Өркендеп кемелдендің.

Мәңгілік ел дегенің,

Әлемге ерлегенің.

Алпауыт мемлекетпен,

Терезем тең дегенің

Мақтаныш маған елім,

Мақтаныш туған жерім.

Мәңгілік арта берсін,

Абыройың, бедел, шенің.

Мәңгілік ел данасы,

Ақылды елбасымыз.

Астана бас қаласы,

Сарайлар, кең қосымыз

Елімнің ертеңімін,

Ақтаймын ел сенімін.

Үмітін үкілеген,

Ақ ниет желкенімін.

Бірлігің жоғалмасын,

Қазынаң тоналмасын,

Ұрпағың иманды боп,

Ұмытпас бір Алласын.

Ата Заңым - айбыным

Ата Заңым – айбыным,

Баспас елді қайғы-мұң.

Әділдіктен тұратын,

Қазынам мен байлығым

Ата Заңым – тірегім,

Бөлімдерін білемін

Жаттап келем баптарын,

Ақтарамын қатпарын

Ата Заңым - елдігім,

Азаттығым, теңдігім

Конституция күні деп,

Той тойлауда ел бүгін

Ата Заңым – айбарым,

Жырламайды қай дарын.

Елдігіме жырымды,

Арнаудан мен таймадым