Мақал – мәтелдер оқып, жұмбақ шешейік. Жаңылтпаштар жаттайық.

Әдебиеттік оқу пәнінен өткізген ашық сабақ жоспары

2 - сынып
Бөлім: Салт - дәстүр және ауыз әдебиеті.
Сабақтың тақырыбы: Мақал – мәтелдер оқып, жұмбақ шешейік. Жаңылтпаштар жаттайық.
Сабақ негізделген оқу мақсаты:

2. 2. 4. 1. Мақал – мәтел, жұмбақ, жаңылтпаштың жанрлық ерекшеліктерін анықтау.
Күтілетін нәтиже:
Барлық оқушылар: мақал - мәтел, жұмбақ, жаңылтпаштың халық ауыз әдебиеті үлгілеріне жататынын біледі. Оқушылардың басым бөлігі: аталған жанрларды бір – бірінен ажырата алады. Кейбір оқушылар: мақал - мәтел, жұмбақ, жаңылтпаштарды өз сөздерінде қолдана алады.
Пәнаралық байланыс: қазақ тілі

АКТ қолдану дағдылары: Компьютер, Интербелсенді тақта,
Алдыңғы білім. Өтірік өлең құрастырамын.
Жоспар
Қызығушылықты ояту.
Сыныпты қалыпқа келтіру.
Үй жұмысын сұрау.
Өтірік өлең жатқа сұралады.
Топқа бөлу. Сандар арқылы топқа бөлінеді. Алған сандардан мақал - мәтел құрастырып оқиды. Мақал - мәтелдердің мағынасын айтады.
Ой сергек: жаңылтпашты топ бойынша халық әні, эстрада жанрында орындайды.
Көктемеде
Көк пе төбе?
Көк төбеде –
Көп бетеге,
Бетегеге
Көк жете ме?
Мағынаны ажырату.
Ой қозғау
Мақал - мәтелдер жарысы. Мақал - мәтелдердің жалғасын тауып, сөзжұмбақ шешеді. (топпен жұмыс)
1.Білетінің бір тоғыз,
Білмейтінің ... (тоқсан тоғыз.)

2. Білмесең үндеме,
Білгенді ... ( күндеме).

3. Білім гауһар, бағасы жоқ.
Надандық кесел, ... (дауасы жоқ).

4. Киіміне қарап қарсы алады,
Біліміне қарап ... (шығарып салады).

5. Күш - білімде, білім - ... (кітапта).

6. Қына тасқа бітеді,
Білім ... (басқа бітеді).
Тақырыпты болжау.
Мақсат, күтілетін нәтиже
Сабақтың мақсатымен таныстырылып, күтілетін нәтижені оқушылармен бірлесе анықтау.
Тұжырым. Интербелсенді тақтадан көрсетіліп, оқушылар танысады.
Мақал – мәтел, жұмбақ, жаңылтпаштар – шағын халық шығармаларының түрлері.
Мақал - мәтелдер – нақыл сөздер. Онда халықтың түйінді ойлары айтылады.
Жұмбақтар – табиғат құбылыстарының, өзін қоршаған дүниенің сырын танып білуге талпынған халық ойынан туған шығармалар.

Топтық жұмыс.
1 - тапсырма. Мақал – мәтелдерді оқып, төмендегідей тақырыптар бойынша топтастыр.
1 – топ: Туған жер, Отан туралы;

2 – топ: Бірлік, ынтымақ туралы;
3 - топ: Достық, дұшпандық туралы;

4 – топ: Жан - жануарлар туралы.
Дискриптор: Білім алушы
- Мақал - мәтелдерді түсініп оқиды.
- Мақал - мәтелдерді тақырыбы бойынша тауып, топтастырады.
Қалыптастырушы бағалау: От шашу.
2 - тапсырма. Топтар арасында жаңылтпаш айтып жарысу.
( Оқулықта берілген жаңылтпаштарды кезектесіп топтар бір – біріне жаңылмай айту керек)
Дескриптор: Білім алушы
- Жаңылтпаштарды жаңылмай айтады.
Қалыптастырушы бағалау: Үш шапалақ.
Жұппен жұмыс.
Сәйкестендір
Дескриптор:
- Мақал - мәтелдің жанрлық ерекшелігін анықтайды;
- Жаңылтпаштың жанрлық ерекшелігін анықтайды;
- Жұмбақтың жанрлық ерекшелігін анықтайды.
Жеке жұмыс.
Оқулықтағы жұмбақтардың шешімін тап. Жауап парағына жауаптарын жаз.
Жауап парағы
1 2 3
Дескриптор: Білім алушы
1 - жұмбақтың шешімін дұрыс табады;
2 - жұмбақтың шешімін дұрыс табады;
3 - жұмбақтың шешімін дұрыс табады.
Қалыптастырушы бағалау: Смайликтер арқылы.
Деңгейлік тапсырмалар беру.
Сабақтың соңы
Үйге тапсырма: ұнатқан 3 мақал - мәтел, 3 - жұмбақ, 3 - жаңылтпаш жаттап келу.
Кері байланыс: бағдаршам көздерін таңдап, сабаққа рефлексия жасайды.

Алматы қаласы

70 мектептің бастауыш сынып мұғалімі
Серік Мөлдір Серікқызы