Мақала

Ұстаз – ұлағатты есім. Шәкірттерін білім нәрімен сусындатып, тәлім-тәрбие беру, жақсы қасиеттерді бойына дарытып, адамгершілік рухта бағыт-бағдар беруде ұстаздың еңбегі зор. Сондықтан да ол әрдайым қасиетті тұлға ретінде ерекшеленеді. Жылда жаңа оқу жылымен қатарлас келетін Ұстаздар күні де күздің үлесіне тиіпті. Осыған орай қазан айының 3-ші жұлдызы, «Ұстаздар күніне» арналған «Мектепке дейінгі білім беру және тәрбие» бөліміндегі орыс және қазақ топтарының 4 курс студенттерінің қатысуымен Торыбаева Гүлнар Ізбасарқызының жетекшілігімен мерекелік кеш ұйымдастырылды. Кешке колледжіміздің оқытушыларымен қатар ардагер ұстаздар да шақырылды. Кешті колледж директоры Әміров Е.С құттықтау сөзбен ашты. Құттықтау сөзден соң студенттердің дайындаған концерттік бағдарламасы жалғасты. Концертке арнайы шақыртумен «Ұстаздар патшалығынан» құрметті қонақтардың келуі- концертті тамашалаушыларға көтеріңкі көңіл күй сыйлады. Сондай-ақ кеште колледжіміздің музыка бөлімінің үш оркестрінің орындауларында шығармалар тарту етілді. Әсіресе музыка бөлімінің студенті Жуасбаевтың орындауындағы ән ардагерлерді тәнті етті. Сонымен бірге Мд 11-9 тобының студенттерінің квн-шілерінің әзілдері концерттің көрігін қыздыра түсті. Концерттің соңында «Ұстазым» әні шырқалды.

Қарағанды гуманитарлық колледжі

ІV курс студенті Өмірсерік Тоғжан