Журналистика – менің арманым

Әр адамның жүрегінде бала күннен бері бірге келе жатқан асыл арманы болады. Бірі – дәрігер болғысы келеді, бірі – ұстаз, бірі – ұшқыш. Менің бала кезден көзім жетіп, жүрегім қалаған бір-ақ нәрсе бар: ол – журналист болу.

Журналистика – шындықты шырылдатып айтатын, халық пен билік арасындағы көпір бола алатын, сөз арқылы әділет іздейтін киелі мамандық. Бұл – менің өмірлік жолымды айқындайтын бағыт, жүрегіммен таңдаған кәсібім. Мен бұл саланы таңдаған себебім – сөзге, қаламға, шындыққа деген шексіз махаббатым.

Журналист болу – ақпарат тарату ғана емес, халықтың үніне құлақ түру, шындықтың жағында тұру, оқырманның сенімін ақтау. Мұны мен ұлы міндет деп есептеймін. Жазушы Шерхан Мұртаза айтқандай:

«Журналистика – бұл жай мамандық емес, бұл – ұлтқа қызмет ету».

Осы бір терең ой мені әркез қанаттандырады.

Журналист болуды армандау – мен үшін жай қиял емес, саналы таңдау. Мен өз мақсатыма жету үшін тіл байлығын дамытып, ел мен жердің тарихын зерттеп, замандастарыма сөз арқылы әсер ете алатын азамат болуға ұмтылып келемін. Журналист — халықтың көзі, құлағы һәм тілі. Бұл миссияны мойнына алу – үлкен жауапкершілік. Бірақ мен сол жауапкершіліктен қорықпаймын, қайта шабыт аламын.

Қалам ұстап, халықпен етене араласу, қоғамдағы мәселелерді көтеру, жастардың үнін жеткізу – менің армандаған болашағымның бір бөлігі. Мен мақалаларым арқылы адам тағдырына әсер еткім келеді. Бір жақсы сөз – бір адамның өмірін өзгертуі мүмкін. Сол себепті мен әр сөзіме жауапты болғым келеді.

Журналистиканың тағы бір маған ұнайтын қыры – әрдайым ізденісті, дамуды талап етуінде. Бұл мамандықта тоқмейілсуге жол жоқ. Өзіңді үнемі жетілдіріп, қоғаммен бірге тыныстауың қажет. Бұл да мені шабыттандырады. Себебі мен жай ғана жұмыс істегім келмейді, мен елге пайда тигізетін маман болғым келеді.

Журналистика – мен үшін жай ғана мамандық емес, бұл – жүрек қалауы, жан әлеміме жақын кәсіп. Мен болашақта әділдік пен шындық жолында қызмет ететін, сөзге сендіре алатын, халқына адал журналист болуды мақсат етемін. Бұл арманым алыс емес, бұл – менің өмірлік жолым.

Себебі журналистика – менің арманым, мақтанышым, болашағым!