Мақала

ҰЛТТЫҢ РУХЫ, ШЫНДЫҚТЫҢ ШЫҢЫ: Мұхтар Шаханов

Қазақ руханияты орны толмас ауыр қазаға ұшырады. Халқымыздың біртуар
перзенті «Шындық ақыны» атанған Мұхтар Шаханов 2026 жылдың 19 сәуірінде
84 жасқа қараған шағында өмірден озды. Бұл – тек әдебиет әлемінің ғана емес
бүкіл ұлттық рухтың асқақ діңгегі құлаған қаралы күн.

Мұхтар Шаханов – өз заманының ар-ожданы болған тұлға. Ол кісінің есімі
аталғанда көз алдымызға алдымен 1986 жылғы Желтоқсан оқиғасының
ақиқатын Мәскеудің биік мінберлерінен тайсалмай айтқан жалынды ерік-жігері
келеді. Жастардың мұңын мұңдап жоғын жоқтаған ақынның сол кездегі
батылдығы бүгінгі егемендігіміздің іргетасын қалаған ұлы істердің бірі
болды.Ақынның «Төрт ана» ұғымы – әрбір қазақ баласының жүрегіне жатталуы
тиіс қасиетті қағида. Туған жер туған тіл салт-дәстүр мен тарихқа деген құрметті
ол тек өлеңмен емес өмірлік іс-әрекетімен дәлелдеп кетті. Ана тілінің
мәртебесі үшін күрескенде ол ешқашан ымыраға келген емес. «Өз тілін
менсінбеу – өз анасын сыйламау» деген ұстанымы бізге мәңгілік аманат болып
қалмақ.Шыңғыс Айтматовпен үндес болып, адамзаттық құндылықтарды
жырлаған ақынның мұрасы – әлемдік деңгейдегі қазына. Оның «Сенім
патшалығы», «Махаббатты қорғау» секілді туындылары рухы шаршаған жанға
демеу, жол таппаған жасқа бағдаршам болды.

Мұхтар ағамыздың өмірден өтуі – бір дәуірдің аяқталуындай әсер береді.
Алайда, оның соңында өшпес жырлары, қайтпас қайсарлығы мен ұлтына деген
шексіз махаббаты қалды. Ақынның соңғы аманаты бойынша, ол Отырар
өңіріндегі Арыстанбаб кесенесінің іргесінде мәңгілік тыныс тапты.

Қош, рухтың сардары! Сіздің жалынды жырларыңыз қазақ барда жасай береді.

Қостанай облысы, Рудный қаласы

№13 мектеп: Абдраманова Жаухар Нұрбекққызы