Мақала : " Латын әліпбиі – қазақ тілінің жаңа белесі "

Латын әліпбиі – қазақ тілінің жаңа белесі

Дамудың даңғыл жолын ту еткен тәуелсіз еліміздің жаңа белестерді бағындыруы – өскелең ұрпақтың қолында. Латын әліпбиін қолданысқа енгізу арқылы жастардың бойында ана тілге деген құрметті қалыптастырамыз.

Тіл - ұлттың тірегі. Уақыт талабы болып отырған латын әліпбиі тіліміздің табиғатын сақтаудың жаңа белесі. Бүгінгі таңда әлем мемлекеттерінің 71 пайызы латын графикасын, ал 12 мемлекет кирилица жазуын пайдалануда. Латын әліпбиіне көшу – дамыған елдермен терезе теңестіру, өркениетке ұмтылу. Бұл дегеніміз – білім, ғылым, саясат пен техника, мәдениет пен өнер, спорт т.б. қатысты жазбаша ақпараттың барлығы дерлік латын графикасымен беріледі, қоғамдық өмірдегі жаңалықтардың басым бөлігі осы графиканың негізінде таралады дегенді білідерді.  Демек, латын әліпбиінің біздің отанымыздың әлемдегі дамыған 30 елдің қатарына қосылу талабының орындалуы жолында маңызды роль атқаратыны сөзсіз. Латын графикасына өтудің басты артықшылығы – Батыс Еуропаның ғылыми-техникалық прогресіне ілесу. Смарт, сенсор, ақпараттық және жалпы сандық технологияның ілгерілеуіне ілесу үшін бізге міндетті түрде латын қарпіне көшу қажет.Барлық озық техно­ло­гияның тіліне айнал­ған латын әліп­биіне көшу — еліміз үшін, өнеріміз бен мәдениетіміз үшін үлкен рухани құ­бы­лыс. Елбасы өзінің «Болашаққа бағдар: рухани жаңғыру» мақаласында бұл мәселені таяу жылдардағы негізгі міндеттердің бірі деп бекітті. Әлемдік өркениет көшінен қалмай, қазақ тілінің халықаралық дәрежеге көтерілуін қаласақ, латын қарпін қолданысқа енгізудің мәні орасан. Латын әліпбиіне көшу – қазақ халқының алға жылжуына, жаңа заман талабына сай өсіп-өркендеуіне, болашақта еліміздің жан-жақты дамуына үлкен үлес қосып, жемісі мен жеңісін әкелері сөзсіз. Біз латын әліпбиіне көше отырып, өркениетті елдердің қатарына қосылып, тіліміздегі дыбыстық жүйелерді нақ анықтап, қазақ тілінің жазылуы мен дыбысталу кезінде сөздер қолданысындағы артық кірме сөздерден арыламыз. Сондықтан латын әліпбиіне көшу біз үшін, болашақ үшін әлдеқайда маңыздырақ. Біз дара, талантты ха­лық­пыз, біздің ұлтымызға әліпби­дің ауысуы қиынға соқ­пай­тын­дығы баршамызға мәлім. Оның үстіне латын әліпбиіне ауысу еліміздің өз дамуын жалғас­тыруда зор ықпалын тигізеді.