Мақала "Ана Өмір шырағы"

Дайындаған :

«Балақай» бөбекжайының тәрбиешілері:

Г.И.Исиркова

А.Н.Жуманбаева

2018 жылдың 06 ақпанында «Балақай» бөбежайының Ортаңғы және Ересек топтар арасында «Ана- өмір шырағы» атты мәнерлеп оқу сайысы өтті. Көрермен ретінде бөбекжай ұжымы мен бүлдіршіндер қатысты. Ұйымдастырылған сайысымыздың негізгі мақсаты кішкентай бүлдіршіндерімізге, «Махаббат», «мейірімділік» адамгершілік құндылықтары туралы түсініктерін кеңейту,ана мен бала арасындағы махаббат туралы түсінік беру,анаға деген сүйіспеншілік сезімін арттыру,ананы сүюге,сыйлауға тәрбиелеу.

Сайысқа: Ортаңғы «Жұлдыз» және «Балдырған» тобының тәрбиеленушілері: Жансейт Таукехан Ерболұлы мен Жақсылық Інжу Еркінқызы, , Ересек «Балауса» тобының тәрбиеленушілері: Жұлдызбай Айару Полатқызы мен Юлдашбай Нұртас Қанатұлы, Ересек «Балдәурен» тобының тәрбиеленушілері: Қызылбай Мансур мен Абдуқадыр Мейірбек қатысты.

Сайыс: «Өз анасын мақтау», «Ана» туралы тақпақтар, «Анама сыйлайық», деген үш шарттан тұрды. Мәнерлеп оқу барасында, бүлдіршіндер ана туралы мақалдарын айтып, еліміздің анасы Сара Алпысқызының өмір баянымен танысып, «Ақ мамам», «Анашым қартаймашы» әндерін хормен орындаса, Ересек топтың биші қыздары «Шашу» биін билеп барша көрермендерді сүйсіндірді.

Әр шарт бойынша бүлдіршіндер өз білгенін айтып, «Ана» туралы тақпақтарын мәнерлеп оқып жатты.

Барлық бүлдіршіндерге марапаттау кезінде медалльдар берілсе, Ортаңғы топ тәрбиеленушісі: Жақсылық Інжу Еркінқызы мен Ересек топ тәрбиеленушісі: Қызылбай Мансур Нүркенұлына ерекше көзге түскені үшін және де мәнерлеп оқуда алға шыққаны үшін сары түсті медаль берілді.

«Ана- өмір шырағы» атты мәнерлеп оқу барысында бүлдіршіндерімізге жақсы көруді,жақсы қасиеттерге баулуға сезімдерін сездіре алдық деген сенімдемін.