Мақала "Білімді ұрпақ-жарқын болашақ"

Қостанай қаласы

С. Мәуленов атындағы гимназия

мұғалімі Сыздық А.Ж.

Білімді ұрпақ-жарқын болашақ.

«Білімдіге дүние жарық»-дегендей білім асыл да бағалы қазына. Ол ұрпақтан ұрпаққа ауызша, жазбаша түрде немесе көркем әдебиет арқылы жеткен. Ал әрбір баланың білімді болуы жарқын болашақтың айнасы. Білімді біз күнделікті тіршілікте, ғылымда, саясатта, арақатынаста, өндірісте, қоршаған табиғи және қоғамдық қатнаста танимыз. Сондықтан білім әр адамға қажет. Жастар білімді алған сайын оған оны тәжірибеде қолдануға мүмкіндік береді. Ал бұл қандай бір жаңалықтарды ашуға жол береді. Сондықтан білімді ұрпақ тек өздерінің жарқын болашағы ғана емес бүкіл елдің жарқын болашағы. Ал, болашақта ел тізгінін ұстайтын азаматтар-бүгінгі жастар. Жастар мемлекетіміздің дамуына үлкен үлес қосулары қажет. Біздің ата-бабаларымыз елдің даму жолында бірінші қадамжасады. Біз оны жалғастыруымыз қажет. Оны жалғастыру үшін жастар саналы, білімді болу керек. Жас ұрпақ тәрбиесі қай заманда болмасын уақыт сөресінен түспейтін адамзаттың мәңгілік тақырыбы.

Адам болып қалыптасу үшін қыруар уақыт пен тер төгетін зор еңбекті қажет ететін аумағы кең , жауапкершілігі мол тірлік екенін ұқтырса керекті . Бала тәрбиесі қоғамнан тыс ,оқшау тұрған құбылыс емес.

Ол - қоғамның, заманның бағыт - бағдарымен, тыныс –тіршілігімен бірге жүріп отыратыны белгілі.Біздің азаматтарымыз үнемі ең озық жабдықтармен және ең заманауи өндірістерде жұмыс жасау машығын меңгеруге дайын болуға тиіс. Сондай-ақ, балаларымыздың, жалпы барлық жеткіншек ұрпақтың функционалдық сауаттылығына да зор көңіл бөлу қажет. Балаларымыздың қазіргі заманға бейімделген болуы үшін бұл аса маңызды» деп Елбасы Жолдауында атап көрсетті.

Олай болса, өскелең жас ұрпақты болшақ еліміздің тұтқасы етіп тәрбиелеу – әр ұстаздың, оқытушының, тәрбиешінің, қоғамның міндеті. Осы міндеттерді атқару баршамыздың азаматтық парызымыз болмақ. Бұл жауапкершілікті сезіне отырып, жаңа заманның салмақты жүгін қайыспай, жұмыла, бірлесе көтерген жүктің жеңіл болатыны сияқты отбасы, бала-бақша, мектеп, оқу орындары және қоғамның бірлескен жұмысының нәтижесі көрсететін болады.