Жылы жүрек-жомарт қол

Қайырымдылық – адамның бойындағы асыл қасиеттердің бірі. Қазақ халқы қайырымдылықты қастерлі ұғым санап, әрдайым өзара жақсылыққа, адалдыққа үндеген бабаларымыз ізгі істі үлкенді-кішілі бөлмей, қоғамда өзара қайырымдылық пен ынтымақ ортасының орнауына ерекше назар аударған. Сондай-ақ, қайырымдылық жасаған адам ешқашан кедейленіп қалмайды «қолы ашықтың – жолы ашық», – деп атам қазақ бекер айтпаса керек. Сондықтан да Алланың берген рызығынан аз да болса бір бөлігін Хақ Тағаланың разылығы үшін қайырлы істерге жұмсасақ, қоғамға тиер пайдасы мол болатыны сөзсіз. «Жанашырлыққа — жан риза» дегендей көмекке мұқтаж жандардың жанашыр қамқоршысы болып, аялы алақанын тосып, жүрек жылуын ұсыну, сауабы мол іске ат салысу әрбір адамның азаматтық парызы. Қамқорлықты қажет ететін жандарға қол ұшын беру арқылы адам баласы жақсылыққа қадам бастайды – демекші, Қарғалы орта мектебінде өткен «Қамқорлық» акциясы барысында оқушыларға көмек қолын созып, 229.000 теңгеге демеушілік жасаған мектеп ұжымына, ақсақалдар алқасына, жеке шаруа қожалықтарының басшыларына айтар алғысымыз шексіз. Балаларымызға мейірімділік шуағын төккен осы жандардың, Алла тағала жүректеріндегі мейірім шуағынан айырмасын.

Қарғалы орта мектебі

Директордың тәрбие ісі жөніндегі орынбасары

Еркежан Дукейхан