Мақала "Кітапхана- ақыл –білім ордасы"

Кітапхана- ақыл –білім ордасы

«ХХI ғасыр –мәдинеттің,

Ғылым мен білімнің ғасыры.

Бар білімнің қайнар көзі-кітапхана»

Н.Ә.Назарбаев

Кітапхана білімді дамытудағы көшбасшы.Мақсаты-жастарды оқуға қолдау, ұлттық әдебиетіміздің ең үздік туындыларын насихаттау,оқырман сұранысын қанағаттандыру.Мектеп кітапханашыларының басты міндеті-оқушыларды оқулықпен толық қамтамасыз ету, оқырмандардың назарын кітап оқуға аудара отырып оқырман санын арттыру, оқырманның уақытын тиімді, ұтымды ұйымдастыру, пайдалану болып табылады.Кітапхана келген оқырмандарға кажетті әдебиеттерін тауып берумен қатар көптеген іс-шаралар,библиотерапиялық кештер, пікірталас,оқырмандар конференциясын, кітап көрмесін,ауызша журнал, сайыстар,ертеңгілік, өнеге сағаттарын өткізе отырып,санқиялы тарихты басынан өткізген халқымыздың тарихын,өнегелі әдет-ғұрпын, салт-дәстүрін, мәдени-мұраларын,әдебиет қазыналарын оқырмандарға кітап арқылы насихаттайды.Әрине бұл ауқымды жұмыстарды аткаруда кітапхана белсенділерінің де көмегі зор.Мектебімізде кітапхана жанашырлары кез-келген уақытта аталған жұмыстардың ұйымдастырылуында бас қосып, белсенділік көрсетеді.Атап айтсам, Эргешова Гуляра, Юсанов Азимжан,Исаметов Мардон, каримжанова Гулхая,Хожитайова Чарос, Ахматалиева Лола, Хожитайова Севинч,Мусиртаев Рахматулла,Джавланова Нозима, Рахимжанова Динара, Рахимжанов Искандар және басқалар үздік оқырман ретінде кітапхана жұмысының жандануында ықпалдары орасан зор. Кітапханада ата-анамен де тығыз байланыс орнатылған.Ата-ана баласының мектеп кітапханасының оқырман екенін,баласының қандай ертегі,қандай көркем әдебиет оқып жүргенінен хабардар және оң көзқараста.

Қорыта айтқанда, кітапхана мектептің құрамдас бөлігі және кітапханашыларға артылар жүк те салмақты.Ал,біз кітапханашылар кітап мәртебесін көтерумен бірге еліміздегі, білім ордамыздағы жаңалықтардың жаршысы, насихатшысымыз.Сондықтан да кітапхана қорын дәстүрлі және электрондық тасмалдауыштармен,жаңа ғылыми басылымдармен, республикалық және жергілікті газет-журналдармен толықтырып отыруымыз керек.

Зухра Юлдашева

№104 негізгі орта мектебінің кітапханашысы