мақала "Мектебімнің мақтаныштары"

Риддер қаласы «Шаңырақ» көпсалалы мектеп-гимназия» коммуналдық мемлекеттік мекемесінде «Болашаққа бағдар: Рухани жаңғыру» аясында өткен «Өршіл рухтан өлмес батыр туады» атты қала мектептері арасында тарихи-танымдық кеш өтті. Кеш түрлі бөлімдерден тұрды. І бөлім «Туады ерлер ел үшін», ІІ бөлім «Тарих толқынында» және ІІІ бөлім «Ұранды ердің –ұрпағы қайсар», ІҮ бөлім «Ерлікке тағызым ету-ұрпақ жалғасы» бөлімдер бойынша мектебіміздің оқушылары өз білімдері мен өнерлерін көрсетіп, бірнеше жүлделі орындарға иеленді. Атап айтсақ, тарихи немесе әдеби шығарма оқиғасы желісінен көрініс қоюдан мектебіміздің талантты оқушылары, Әбен Диас, Айдынқызы Айым, Архатова Аида, Төлеубеков Алмат, Сәбиғазин Әділет, Нұралдинов Жандос І орынды иеленсе, мәнерлеп оқу сайысынан 6 «Ә »сынып оқушысы Қанас Мұратбек, өз шығармашылығы бойынша өлең оқудан 8 «А» сынып оқушысы Құмарбекова Гүлім, батырлар туралы өз жобаларын қорғаудан Қайратұлы Әділет, Қабидешов Бекзат есімді оқушылар бас жұлдені иеленіп, мектебіміздің мерейін үстем етті. Мектеп жұмысы мен оқушы жетістігін өрістетуідегі негізгі тұлға- мұғалім екені анық. Осыған орай, оқушыларымызды баптап, бәйгеге қосып отырған ұлағатты ұстаздарымыз: Амангелдинова Айгул, Мухатова Нургул, Мынгатова Гаухар, Тоқтарбаева Назымның еңбегі зор. Осындай іс-шаралар оқушылардың шығармашылығын шыңдап, дарынды тұлғаларымыздың санын арттыруда.

Іс-шараның ұйымшылдықпен өте жақсы өтуіне, ұйымдастырылуына себепкер болған директордың оқу ісінің орынбасары- Кажимолданова Жанар Толеуовнаға алғысымыз шексіз. Мектебімізде өтіп жатқан іс-шараларға біздің ұжымның да қосар үлесі мол. Өздеріне берілген міндеттерді бірлесе отырып, үлкен жауапкершілікпен атқарып, қызықты өтуіне ат салысты.

Елбасы Н. Назарбаев өз жолдауында білімнің салтанат құруы деп, қазіргі таңда білім бағдарламаларының елімізге ұтымды үлес қосып келе жатқанын айта келіп, табыс тізгіні- білімді болашақ жастардың қолында екеніне басты назар аударды. Сондай –ақ, Елбасы өз мақаласында қазіргі жаһандану заманында ұлттық бірегейлікті сақтап қалу, өркениеттің жақсысын алып, жаманынан жирену жөнінде өте құнды пікірлер айтты. Ендігі міндет- осы айтылғандарды іске асыру жолдарды аянбай еңбек ету ұстаздардың құзырында.

«Шаңырақ» көпсалалы мектеп-гимназиясының

коммуналдық мемлекеттік мекемесінің қазақ тілі

мен әдебиет пәні мұғалімі Ахметова Алма Ергалиевна