Мақала «Мектеп жасындағы дейінгі балаларға театрландырылған қойылымдардың маңызы »

«Мектеп жасындағы дейінгі балаларға театрландырылған

қойылымдардың маңызы »

Ойын — баланың өмірді танудағы алғашқы қадамы. Ойынның түрлері көп, ал көркем және эстетикалық дағдыларын дамытуда  театрландырылған ойындардың маңызы зор. Театрлық іс — әрекетте ертегілерді пайдалана отырып баланың ой — өрісін дамыту, сонымен бірге тыңдай білуге, есте сақтау, түсіну, рөлге бөліп, қазақша әдемі сөйлей білу мәнерін арттырамыз.

Биыл  балабақшаның алдына қойылған  жылдық міндеттемеге сүйене келсек Ақсу қаласының №20 бөбектер бақшасының ортаңғы «Гүлдерай» тобында  бірқатар  іс-шаралар жүзеге асырылып, тақырыпқа сай  театр бұрышы толықтырылды. Тобымызда  сахналау  элементттері көбінде көркем әдебиет, сөйлеуді дамыту, қоршаған ортамен танысу оқу қызметтерінде қолданылады.

Соның бірі көркем әдебиет оқу қызметінде қыс мезгіліне байланысты «Қолғап» ертегісін сахналау болды. Театрландырылған ойындарда балалар сөз ырғағын, мимимкасын, жүрісін, дауыстарын өзгертіп ойнады.

Өз іс - тәжірибемде, оқыту іс - әрекеті үстінде әр түрлі көрнекті - құралдарды түрлендіре пайдаланғанды жөн санаймын, өйткені олар арқылы түсіндіріп аламын, кейін театр сахналауындағы кейіпкерлеріне қысқаша мінездеме бергіземін.

Қорытындылай келсек театр көріністері баланың жан дүниесін тербеп, айналадағы қоршаған дүние әлемімен жақындастырады. Театр көрініс сабақтарында ертегі арқылы жүргізу адамгершілік мінез - құлықты қалыптастыруға ықпал етеді. Театр арқылы өткізілетін сабақтар көмегімен балаларға білім беріп қана қоймай, оларға қалай орындауды үйретеді. Балалар қызығушылықпен және ынтамен атқарады. Театр ойыны бала тілінің дамуына ықпал тигізіп, таным белсенділігінің дамуына жол ашады.

Менің алдағы мақсатым осы театрландырылған ойындарды көбірек қойып, бәріне маскалар жасап, киімдер тігіп, көріністерді көбірек қойып, тәрбиелеу.

Павлодар облысы

Ақсу қаласының

№20 бөбектер бақшасының

ортаңғы тобының тәрбиешісі:

Тасимова Кулмариза Кайроллановна