мақала "Қалаушы кім?"

Қалаушы кім?

Қандай да бір ақынның не жазушының есімін естіген оқырманның көпшілігі онымен мектептегі əдебиет пəнінің арқасында таныс. Ал сол белгіленген мəліметтер шеңберінен асып, өзіндік ізденуге құлшыныс ашқандар қаншалық? 

Негізінде сол бала мен кітап арасындағы "байланыс" көпірі қалай қаланады? 

Есімде қалғаны ,бала күнімде əжем ана кітапты бір, мына кітапты бір оқып мазмұндап маңдайымнан сипап еркелете əр тақырыпта əңгіме шертетін. Жүн түтіп отырғанда ойдан ертегілер құрап, мағанда ойдан ертегі құрататын. Осылайша шексіз қиял мен фантазиялау мүмкіндігін сезіндім . Кітаптарды көздің қарашығындай сақтап күтіп қарау арқылы мен оның ішінде не барын білмесем де маңызды, құнды екенін бала көңіліммен сезінетінмін.

Әжемді шаршатқан соң анама баратынмын. Ол кісі өзі естіген аңыз дастан әңгімелерін ортаға салады.

Мектепте мұғаліміміз сабақтың бітуіне бес минут қалғанда түсінуге тілі жеңіл деген кітаптан үзінді айтып ең қызық жеріне келгенде əрі қарай өзімізге ізденуге қалдыратын. Қоңырау бола сала кітапханаға ағылатынбыз. Одан бөлек мұғалімдер əр сабақтан ізденуге тапсырмалар беріп еріксіз кітапханамен байланыстыратын. Ол кезде интернеттің болмауының арқасында ма əлде ұялы телефонның өзіне тиесілі қызметін ғана атқарғандығынан ба білмеймін, біз үшін бар қызық сол кітапханада жасырынғандай көрінетін. 

Ал дəл қазіргі жастардың көбі бар əлемнің қызығын төрт бұрышты смартфонға сыйдырған . 
Қазіргі заманның талабы ма əлде оқушының өзінің қалауы ма белгісіз. Кітап оқуға кеңес берсең кітапханадан емес желіден жүктеп, ізден десең телефонның нүктесін ғана іздейтіні тағы бар. Жүктелген кітаптың қызығына батып оқи алмай,ұялы телефонының қуат көзі мен өзінің ауырған көзін сылтаурататынын не дерсіз. Бүлдіршінді балабақша бағып, баланы мектеп тəрбиелесін дейтін, жұмыстан қолым тимейдіні сылтаурататын ата-аналар мен тек жүктелген тақырыппен тоқталған мұғалімге қарап кейде шынымен-ақ əлгі көпірді кім қаламақ?,-деген сұраққа қаламын. 

Өмірғали Сафура Сəбитқызы 
Қызылорда “Қызмет” колледжі