Шуағын шашқан шатырлы лагерь

Қ арғалы орта мектебінде 15-20 маусым аралығында табиғат-танымдық мақсатында Жоңғар Алатауы Мемлекеттік Ұлттық табиғи паркінің экологиялық туристік бағытымен 5 күндік шатырлы лагерь өтті. Бұл лагерьде оқушылар демалумен қатар өз туған жерлерінің табиғатымен танысып, өздеріне қажетті қызықты материалдар жинады. Балаларды табиғат аясында демалдыру оларды шымырлыққа, батылдыққа, отансүйгіштікке және табиғатты аялауға жетелейді. М.Калимжановтың жетекшілігімен өткен бұл шатырлы лагерьде әртүрлі іс-шараларға белсене қатысқан оқушылар лагерь соңында мақтау қағаздарымен марапатталды. Балалар соңғы күні «Таудың таза самалы» атты парақтарға шағын эссе жазып, шексіз алғыстарын білдірді. Оқушылар жазғы демалыстарын қызықты өткізуге мүмкіндік жасаған директордың тәрбие ісі меңгерушісі Е.Дукейхан, В.Лебедеваға, лагерь басшысы А.Мусахожановаға, дене шынықтыру пәнінің мұғалімі М.Калимжановқа, тәрбиешілерге және мектеп директорына алғыстарын жеткізді. Осындай шатырлы лагерьлер болашақта көп ұйымдастырылса, нұр үстіне нұр болар еді....

Е.Дукейхан

Қарғалы орта мектебінің

биология пәнінің мұғалімі