Мақала "Сырттай Балабақша жобасы бойынша семинар"

Дайындаған: «Балақай» бөбекжайының тәрбиешілері:

Г.И.Исиркова

А.Е.Жубантаева

Ағымдағы жылдың 20- шы сәуір күні «Приозерск қаласы «Балақай» бөбекжайында» «Сырттай балабақша» жобасы аясында, «Ерте жастағы балаларды дамыту үшін түрлі әдіс - тәсілдерді үй жағдайында қолдануды насихаттау» атты қалалық семинар өткізді. Өткізілген семинардың басты мақсаты: «Ерте жастағы балаларды дамыту және тәрбиелеу сұрақтары бойынша ата-аналардың педагогикалық-психологиялық құзіреттілігін көтеру. Мектепке дейінгі тәрбиемен қамтылмаған балаларға жаңа ортаға жылдам бейімделуіне үйрету. Түрлі әдіс-тәсілдерді қолдана отырып, үй жағдайында қолдану барысында, тәрбиеленушінің мінез-құлықтарын, жеке қабілеттерін арттыру, шеберліктерін қалыптастыру.

Семинарға:

- Приозерск қаласының білім бөлімінің әдістемелік кабинетінің әдіскерлері;

- «Приозерск қаласының «Айналайын» бөбекжайының» «Сырттай балабақша» жобасына жауапты педагогтар,

- Приозерск қаласының «Балбөбек» бөбекжайының » «Сырттай балабақша» жобасына жауапты педагогтар,

- Приозерск қаласының «Достық» балалар-жасөспірімдер орталығы жанындағы «Еркетай» шағын орталығының» «Сырттай балабақша» жобасына жауапты педагогтар,

- «Сырттай балабақшаға» қатысушы ата – аналары қатысты.

Семинарды: Алғы сөзбен бөбекжай директоры Узалина Гульнара Толеухановна ашты.

Семинарда: «Өз- өзіңді мақтау» Танысу тренигін, тәрбиеші Жубантаева Аксана Есеновна өткізсе, «Үй жағдайында балалардың шығармашылық қабілетін, театр түрлерін қолдану арқылы дамыту» тақырыбы бойынша тәрбиеші Түлек Еркемай Білекқызы шебер сынып өткізді, «Артикуляциялық жаттығулар арқылы мектеп жасына дейінгі балалардың дыбыстарды дұрыс айтуын қалыптастыру», логопед: Беркинбаева Арухан Аманкелдиевна жүргізді, «Ерте жастағы балалардың денсаулығын нығайту» тақырыбында қимылды ойындар, тәрбиеші Қосбармакова Жанар Сансызбаевна өткізді. «Ерте жастағы балаларға М.Монтессори технологиясын қолдану әдіс-тәсілдері» презентация, тәрбиеші Белтаева Гулбану Ибрайиовна шебер сынып өткізді.

Келген ата-аналар мен педагогтар өз ризашылығын білдіріп, өткізілген семинар өз мақсатына жеткенін айтып өтті және де семианар өте жоғарғы деңгейде өткенін айтты.