Мақала "Талаптыға нұр жауар".

Талаптыға нұр жауар.

Мынау мектеп деген ортада әрбір ұрпақ тәрбиелеп жатқан ұстаз қауымы үкілеп қосқан ұландарының алда келуін , сүрінбей жетуін, сынақтан өтуін армандайды. Шәкірті жақсы болып атағын аспандатып жатса, ұстаз еңбегінің мүлтіксіз орындалуы мен оқушының сол іске деген талабының шыңдалып нәтиже көрсеткені болып табылады. Иә, «Алаштың аты озғанша, ауылдастың тайы озсын демекші» мектебіміздің 9-қазақ сынып оқушысы Ережепова Жасмина бойына біткен дара ерекшелігі, спортқа деген қызығушылығымен алдына қойған мақсатын адал атқарып мектебімізге талай рет жүлде алып берді.

Мектептегі спорттық жарыстарға, қоғамдық жұмыстарға белсене қатысып, Тенис, тоғызқұмалақ, волейбол ойындарынан аудандық жарыстарға барып, тенис ойынынан аудан бойынша I орынға ие болса, облыстан II орынға ие болды. 2017-2018 оқу жылы 27-қазан күні өткізілген облыстық спартакиадада «Үстел тенисінен» III –орын алып, мектебіміздің абройын биікке асқақтатты. Кейде мінезіндегі қыз балаға тән мінезді алып тастап, ұлдар іспетті жүретін , еш қиындықтан мойымайтын табандылығы, бәрі де жеңіске жету жолында ықпал ететіндігі сөзсіз. Сондай-ақ, осындай жеңіске жетуіне тәрбиешісі Баймақанов Д. Б. Бірнеше жылдан бері дайындап, талай реткі жарыстарда жүлдегер болуына себепші болса, отбасында әжесі Абилова Салтанат тәтенің бір емес бес бірдей баланы асырап, ешкімнен кем-қор қылмай қоғамға қосып отырған адал еңбегінің жемісі деуге болады. Бәріне де бір кісідей қамқор болып, қанатыңыздың астында қорғап, атадан келе жатқан тектілікті тәрбие тамырын бойларына сіңіріп, талабын ұштап, тарыдай шашылған жандарды бір ортаға ұстап отырғаныңыздың арқасында алаңсыз оқып, білім алып жатыр. Балаңыз мінекей, жеңіс тұғырынан көрінді. Біз сіздің еңбегіңізді басқаларға үлгі ете отырып, балаларыңыздың жеңісін мақтан етеміз. Мектебіміздің ұлағатты ұландары көп болсын.

Майоровка ауылы

Мектеп кітапханашысы

Тоқан Сәбира