Мақала "Ұлттық ойын - ұлттық қазына"

"Ұлттық ойын - ұлт қазынасы"

Жалпы бәрімізге белгілі ХХІ - ғасыр білімділер ғасыры болғандықтан заманымызға сай зерделі, ой - өрісі жоғары, жан-жақты дамыған ұрпақ қалыптастыру еліміздің алға қойған аса маңызды міндеті болып тұр. Тәрбие мен білімнің алғашқы дәні - мектепке дейінгі тәрбие ошағында беріледі. Баланың денсаулығының мықты болып, қозғалыс, дене құрылысының дұрыс жетілуі мектепке дейінгі кезеңде қалыптасады.Осы орайда жас ұрпаққа еліміздің ұлттық ойындары жайында үнемі айтып, әр сабақ барысында, мерекелік іс шараларда жүзеге асырып отырсақ нұр үстінен нұр болар еді.Осы орайда мектеп жасына дейіңгі балаларға ұлттық ойындарды ойнатып ұлттық сана сезімдерін қалыптастырған болар едік.

Ұлттық ойындар - қазақ халқының ерте заманнан қалыптасқан дәстүрлі ойын-сауықтардың бір түрі.Осы ұлттық ойындар арқылы баланың ұлттық сана сезімін қалыптастыра отырып, дене бітімінің шынығуына да толық оң әсерін беретіні анық.

Ұлттық ойындар - ата-бабаларымыздан жалғасып келе жатыр-ған байлығымыз, асыл қазынамыз. Сондықтан, ұлттық ойындар-ды үйренудің, күнделікті пайдаланудың заманымызға сай ұрпақ тәрбиелеуге пайдасы орасан зор. Ойын баланың алдынан өмірдің есігін ашып, ұштаса береді.

Мен жалпы мектепке дейіңгі мекемеде тәрбиеші қызметін атқарғандықтан балалардың өзіміздің ана тілінде сөйлеп, ұлттық ойындарды ойнап өскендерін қалаймыз.Осы мақсатта жұмыстар жүргізіп отырамыз.

Ұлттық ойындардың мектеп жасына дейінгі балаларға «Орамал алу», «Тақия жасыру»,«Ақ серек-Көк серек», «Айгөлек», «Асық ату», «Арқан тарту» т.б ойындары лайықты деп білімін.

Ең бастысы ата-бабадан қалған өнер мен өнеге, үлгілерінің лайықтыларын баланың сана сезіміне құйып көзіне көрсете отырып, ойын арқылы бойына сіңіріп, оларды әдептілікке, мейірімділікке ізеттілікке, туысқандық пен бауырмалдыққа, үлкенге - құрмет, кішіге - қамқорлыққа баулып, адамдық қасиеттерді ұғындыру, қалыптастыру болып табылады.

Қостанай қаласы

№ 5 бөбекжай –бақшасының тәрбиешісі

Дүйсенова Лаура Темировна