Ұлттық құндылықтар арқылы оқушылардың шығармашылық қабілеттерін дамыту

Қазақстан Республикасының «Білім туралы» заңында: «Білім беру жүйесінің басты мақсаты – ұлттық және жалпы адамзаттық құндылықтар негізінде жеке тұлғаның қалыптасуына қажетті жағдай жасау» делінген. Жас ұрпақ – еліміздің ертеңі, болашағы. 

Өзімнің тәжірибемде оқыту барысында алдыма қойған мақсатым — оқушыны субъект ретінде оқу ісіне өзінше қызықтыратын, оған қабілетін арттыратын жағдай туғызу. Ең  бастысы оқу  үрдісін жаңаша ұйымдастыру, оқушылардың оқудағы іс-әрекеті арқылы ойлау дағдыларын жетілдіру, өз бетінше білім алу процесінде бірлесе әрекет ету.

Шығармашылық жұмысымның мақсаты: оқушылардың ой – қиялын дамытуға, өз ойын еркін айтуға, сөздік қорын молайтуға, өз ойына қорытынды жасап, жүйелі сөйлеуін үйлестіруге және де оқушыларды ізденімпаздыққа, тапқырлыққа, сауатты оқу мен жазуға төселдіруге баулу. Барлық баланың да бір нәрсеге қабілеті болады. Тек соны дұрыс бағытта жетілдіру керек.Бұл мақсаттарды жүзеге асыру үшін жасалатын жұмыстарды да дұрыс талдау қажет. Тіл сабақтарында оқушылардың шығармашылығын дамытатын тапсырмалар : жазбаша тапсырмалар, ауызша тапсырмалар деп екіге бөлдім. Жазбаша тапсырмалар шығарма, эссе немесе хат жазу, өлең құрастыру.
Ауызша тапсырмалар тірек сөздер беру арқылы және суреттерге қарап әңгіме құрастыру, ребустар мен сөзжұмбақтар құрастыру.

Бұған мысал 3 сыныпта қазақ тілі сабағында “Абай мұражайы” тақырыбын өткенде сабақты ойын сабақ түрінде өттім. Қазақтың ұлттық ойыны “Бәйге”, “Теңге ілу” ойындары арқылы “Жұмбақты жалғастыру” оны шешу, мақал – мәтелді жалғастыру жұмыстары жүргізілді. Баланың ақыл — ойы, дүниетанымы кеңейді. Осындай әртүрлі жұмыстар арқылы, оқушылардың сөйлеу тілі дамиды.

Оқушылардың шығармашылығын , іздемпаздығын қалыптастыруда сыныптан тыс, жеке ұжымдық жұмыстар ұйымдастыруда шығармашылық, пәндік апталықтар мен ғылыми — шығармашылық апталық, жобалар, пәндік үйірмелер мен факультативтік сабақтардың маңызы зор. Барлық жұмыстарда оқушылардың қалауы, таңдауы мен ұсыныстарын ескеру қажет.. Сондай — ақ мектептегі пәндік олимпиадалар, сайыстар, көркем өнер және техникалық көрмелер, түрлі шығармашылық кештер оқушылардың ізденіс қабілетін ұштап, дербес оң нәтижеге жетуге ықпал етеді.
ХХІ ғасыр — білімділер ғасыры. Ендеше бізге ой өрісі жоғары дамыған, зерделі, жан — жақты парасатты ұрпақ керек екенін бір сәтте естен шығармағанымыз жөн деп ойлаймын.
Оқушылардың бос уақытын, үйірмеге қатысуын жақсы жолға қойғанмын. Оқушылармен жүйелі де сапалы жүргізген жұмысым оң нәтиже беріп, оқушыларым мектепішілік, аудандық, республикалық әртүрлі іс-шараларға қатысып отырды. 2019-2020 оқу жылында 6-ші сыныптар аралығында өткен мектепішілік олимпиадада Муслимова Камила І орынды иеленді. «Қазақстан – менің Отаным» тақырыбына ұйымдастырылған республикалық қашықтық байқауында Муслимова Камила І орынды алды. Абай Құнанбайұлының өлеңдерін мәнерлеп оқудан алдына жан салмайды. 8 сынып оқушылары Грязнова Анастасия, Дударева Виктория аудандық «Үш бәйтерек : тағлым мен тағдыр» байқауына белсенді қатысқандары үшін сертификат алды. Сонымен қатар көптеген басқа да оқушылар қашықтық олимпиадаларға қатысып, жүлделі орындарды алуда.

“Ұдайы еңбек ету — өнердің де, өмірдің де заңы” дегеніндей, оқушылардың шығармашылық қабілеті мен белсенділігін арттыруда мұғалімге үнемі ізденуге, тұрақты еңбек етуді міндеттейді.