Мақсатқа бағытталған білім – қашықтықтан оқытуды ұйымдастырудағы зор мүмкіндік

Мақсатқа бағытталған білім – қашықтықтан оқытуды ұйымдастырудағы зор мүмкіндік

       Қазіргі кезде адамзат дамуының ерекше артықшылығы – ақпараттық өркениетке көшу, адамдардың интеллектуалдық мүмкіндіктерін арттыратын есептеуіш техника мен ақпараттық технологиялардың жедел дамуы болып табылады. Қашықтықтан оқыту – бұл оқу материалын жеткізіп беру үшін, оны өз бетімен оқып білу үшін, оқыту үрдісі білім беру мекемелерінің нақты орналасуына тәуелді болмаған кезде оқытушы мен оқушы, тренер мен тыңдаушы арасында ақпарат алмасуды ұйымдастыру үшін пайдаланылатын дәстүрлі және жаңа ақпараттық қатынастық технологияларының кең спектрін пайдалануға негізделген оқытудың аралас формасы.

       Мен, Анарбек Арайлым – Алматы облысы, Жамбыл ауданы, Шиен орта мектебі мен КММ Қоғамшыл бастауыш мектебінің бастауыш сынып мұғалімі – «Өрлеу» БАҰО АҚ филиалы Алматы облысы бойынша БАИ ұйымдастырып отырған 04.05-15.05.2020ж. аралығында шағын жинақталған мектептерге арналған «Шағын жинақталған мектептерде біріктірілген сынып- комплектілерінде оқытудың әдістемесі» атты курсты қашықтықтан өтіп жатырмыз. Курста 25 тыңдаушы білім алуда. Курс тренері – Орманбекова Лаззат Жекенқызы.

                      

       Курстың ерекшелігі – сабақты онлайн түрде өтудеміз. Бірнеше аудан мұғалімдерін біріктіріп, бір-бірімізбен өзара тәжірибе алмасып жатырмыз. Сонымен қатар, оқытудың инновациялық технологияларымен танысып, АКТ-ны күнделікті сабақта тиімді қолдануды үйренудеміз. Өз уақытын бөліп, бізді біліммен сусындатып отырған тренеріміз – аға оқытушы Ләззат Жекенқызына алғысымыз шексіз!

Анарбек Арайлым,

Алматы облысы, Жамбыл ауданы,

Шиен орта мектебі мен КММ Қоғамшыл бастауыш мектебінің бастауыш сынып мұғалімі, № 37 топ тыңдаушысы