Математика 3 сынып 36 сабақ "Көбейту мен бөлуді бекіту"

Тақырыбы: 36-сабақ. Көбейту кестесін бекіту. Жанама сұрақтармен берілген есептерді шығару.Ұжымдық шешім.

Мектеп: №18 ЖББТМ

Күні:

Мұғалімнің аты-жөні: Онбаева София

3-сынып

Қатысқандар саны:

Қатыспағандар саны:

Оқу мақсаттары

3.5.1.5 жанама түрде тұжырымдалған есептерді талдау және шығару («көп/аз», «есе көп/аз» қатынастарымен байланысты)

3.1.2.4 6; 7; 8; 9 сандарына көбейту мен бөлу кестесін құру, білу және қолдану

3.5.1.2 есептерді шығаруда «бір заттың массасы», «саны», «жалпы масса»; «бір затқа жіберілген шығын», «заттардың саны», «жалпы шығын» шамаларының арасындағы тәуелділікті пайдалану

Сабақтың мақсаттары

Барлық оқушылар:

6-9 сандарына көбейту мен бөлу кестесін құру, білу және қолдану

Бірқатар оқушылар:

Шамалардың арасындағы тәуелділікті кескіндейтін әріптік өрнектерді өз бетінше жазу;

жанама түрде тұжырымдалған есептерді талдау және шығару

Кейбір оқушылар:

Шамалардың арасындағы қатынас туралы білімді күнделікті өмірде пайдалану

Тілдік мақсаттар

Дағдыларын дамыту:

Шамалардың өзара байланысын түсіндіре алады. Мысалдардың төрттігі қалай құрылғанын түсіндіре алады.

Пәндік лексика және терминология:

шамалардың арасындағы тәуелділік,шамалардың арасындағы өзара қатынасты орнатушы теңдік ретіндегі формулалар, амалдар реті, көбейту кестесі

Сабақта диалог/жазу үшін пайдаланылатын тіл

Талқылау:

Жанама түрде тұжырымдалған есеп деген не?

Кері есеп қалай құрылады?

Жазылым:

Сандық және әріптік өрнектерді, формулаларды жазу.

Тірек білім, білік, дағдылар

2 санынан бастап 7 санына дейінгі көбейту кестесі.

шамалар арасындағы қатынас: «бір заттың массасы», «саны», «жалпы масса»

Жоспар

Жоспарланған уақыт (минуты)

Жоспарланған іс-әрекет

Қоры

0-3

Ынталандыру.

Көбейту кестесін алайық,

Ол әрқашан құрметтеуге лайық.

Көңілде күдік қалмайды,

Ол ешқашан қате болмайды.

Әлемде өзгеріс болса да жалпы,

Екіні көбейтсек екіге

Төрт болады баяғы сол қалпы.

Көбейту кестесі болсын есте

Бәріміз білуге тиіспіз «5»-ке!

4-6

Өзектендіру.

Сендер кестедегі дұрыс санды сызып тастауларың қажет.

1. 9-ды 5 есе арттыр.

2. 2-ні 6-ға арттыр.

3. 21-ті 3 есе азайт.

4. 12-ні 4-ке азайт.

5. 8 және 5 сандарының көбейтіндісін табыңдар.

6. 18 және 6 сандарының бөліндісін табыңдар.

7. 8 және 9 сандарының қосындысын табыңдар.

8. 40 және 8 сандарының айырмасын табыңдар.

9. 70 саны 10 санына қанша көп?

10. 5 саны 50 санынан қанша есе аз?

Қима қағаз – ойын алаңы.

7-11

Мақсат қою (мәселелі жағдаят)

Бүгін сендердің әрқайсыларыңның неден қиналатындарыңды анықтап, қателерді түзейміз.

12-29

Өзіндік жұмыс

Оқушылар 2 және 3-тапсырманы шешеді, тапсырманың орындалу нәтижесін эталонмен салыстырады.

Қиындықтарды түзету

Оқытушы тапсырманың орындалу дұрыстығын тексереді.

– Кім қандай жерде қиналды?

– Қай жерде қателік жібердіңдер?

– Жіберілген қатенің себебі неде?

– Өзіндік жұмыста қиналмағандарың өздеріңнің іс-әрекеттеріңнің мақсатын қалыптастырыңдар.

(Қосымша тапсырмаларды орындаулары керек).

– Өзінің қиындықтарын анықтағандардың әрі қарайғы жұмыс мақсаты қандай?

(Қателерді түзеу).

– Қателерді түзеу алгоритмін пайдаланамыз.

– Әрқайсысы өзінің оқу тапсырмасын айтады.:

Оқытушы тапсырманы бағалау өлшемшарттары бар дәптерге орындауды ұсынады.

Мен:

-есеп шығаруда көбейту мен бөлу кестесін қолдана аламын

-есеп шығаруда шамалар арасындағы тәуелділікті қолдана аламын

4-тапсырма топта орындалады. Есеп құрастырып оны шығарады.

30-40

Өткенді қолдану

5-тапсырма математикалық есептеу жылдамдығын дамытуға бағытталған. Тапсырма орындалғаннан кейін жұппен өзара тексеру жұмыстарын ұйымдастыруға болады.

Өзіндік жұмыс

6-тапсырманы жұппен орындауға болады.

41-45

Рефлексия.

Балалар тақтадағы «рефлекстік нысананы» толтырады, мыналарды бағалайды:

1. өзінің іс-әрекеті.
2. оқытушының іс-әрекеті.
3. оқшылардың іс-әрекеті.