Математика пәнінен 5-сынып оқушыларына арналған мәтінді есептер жинағы

Мәтінді есептер (5,6-сыныптар)

1. Төрт оқушының жастарының қосындысы 48-ге тең. Осыдан 2 жыл бұрын оқушылардың жастарының қосындысы неге тең болады?

2. Ұзындығы 100 м болатын матаны әр келесі бөлігі алдыңғысынан 5 м ұзын болатындай 5 бөлікке бөлді. Ең үлкен бөліктің ұзындығы қандай?

3. 195 км жолды саяхатшылар 3 сағат моторлы қайықпен және 5 сағат пароходпен өтті. Маторлы қайық пен пароходтың жылдамдығын табыңыз, егер моторлы қайықтың жылдамдығы пароходтың жылдамдығынан 2 есе кем болса.

4. Аулада күшіктер ойнап жүр. Олардың аяқтары бастарынан 21-ге артық. Аулада неше күшік ойнап жүр

5. Бөлгіш 9-ға, ал бөлінді 8-ге тең. Бөлінгішті тап.

6. Шару ат салып алу үшін 15 ц бидай сатса, 80 ділдә жетпейді, ал 20 ц бидай сатса, 10 ділдәсі артылып қалады. Шаруа сатып алатын ат қанша ділдә тұрады?

7. Атай баласымен және немересімен балық аулады. Атай баласынан 2 есе көп, ал баласы өзінің баласынан 3 есе көп балық ұстады. Егер немересі 4 балық аулаған болса, барлығы неше балық ауланды?

8. Дүкенде орам матадан 16 м мата қалды. Қалған матадан әр көйлекке 3 м жұмсап, 8 көйлек тігілді. Дүкенде алғашқыда қанша м мата болды?

9. Екі дыста сүт құйылған. Бірінші ыдыста екінші ыдысқа қарағанда 2 есе көп сүт бар. Егер әр ыдыстан 10 л сүт құйып алса, онда бірінші ыдыста екінші ыдысқа қарағанда 3 есе көп сүт қалады. Алғашқыда әр ыдыста қанша л сүт болған?

10. Елдостың қозылары мен тауықтары бар. Қозылар тауықтардан 3 есе кем. Қозылар мен тауықтардың барлығында 40 аяқ бар. Елдостың неше қозысы, неше тауығы бар?

11. Әкесі неше жаста болса, баласына сонша ай. Екеуінің жастарының қосындысы 39 жыл. Баласы неше жаста?

12. Олжас базардан 19200 теңгеге 2 тотықұс, 1 күшік және 1 мысық сатып алды. Күшік мысықтан 3 есе қымбат, ал тотықұстан 2 есе арзан болса. Мысық неше теңге? Тотықұс ше?

13. Гаухар әкесімен өзенге қарсы ескекті қайықпен жүзіп келеді. Гаухар кенеттен өзенге қуыршағын түсіріп алды. Егер өзен ағысының жылдамдығы 30 м/мин, ал қайықтың меншікті жылдамдығы 90 м/мин болса, 4 минуттан соң қуыршақ қайықтан қанша метр қашықтықта болады?