«Мейірімді әдетке балалық шақтан бастап тәрбиелеу»

4 «а» сынып оқушыларының ата-аналарының арасында

ө ткізілген коучинг

13-қыркүйек күні ата-аналар арасында коучинг саминары өткізілді. Коучингке 20 ата-ана қатысты. Ата-аналарды сандар арқылы үш топқа бөлдім. Ата-аналарға «Мейірімді әдетке балалық шақтан бастап тәрбиелеу» тақырыбы бойынша постер қорғауды ұсындым. Әр топқа тақырыпқа байланысты жеке тапсырма берілді.

Б ірінші топқа «Үлгілі балаға қандай қасиеттер тән»

Екінші топқа «Баланың

қарым-қатынас негізі»

Үшінші топқа «Сөйлесу ережесі және мәдени гигиеналық, достық ережесі»

Осы тақырыптар бойынша постер қорғау керектігі айтылды. Ата-аналар бірлесе отырып пікірлесе бастады. Әр топтан көшбасшы шығып тақырыптарын қорғады.

Б ірінші топтың ата-аналары «Үлгілі балаға қандай қасиеттер тән» тапсырмасына қыз баланы алыпты. Қыз бала өте сыпайы, жан-жақты болады. Қыздар сабағын да үлгереді. Үлкенді де сыйлай біледі. Ата-анасының айтқанын орындап, үйдегі бауырларына қамқорлық жасайды деп, өздерінің тақырыбын қорғап шықты.

Е кінші топтың ата-аналары «Баланың қарым-қатынас негізі»тақырыбы бойынша әжесінің тәрбиесінде тәрбиеленген бала туралы деп алыпты. Әжесінің тәрбиесінде болған бала әр уақытта мейірімді, тәртіпті, сыйластықты білетін бала болып өседі. Үлкеннің тәрбиесіндегі бала әрдайым үлкенді сыйлайтын, үлкенді тыңдайтын, кез келген адамдармен жақсы қарым-қатынаста болатын, нағыз азамат болып өседі деп ойлаймыз деп сөзін түйіндеді.

Үшінші топтағы ата-аналар «Сөйлесу ережесі

және мәдени гигиеналық, достық ережесі» тақырыбында үйдегі отбасында таза ана тілінде сөйлесу керек. Егер үйде өзінің тілін білмесе, ата-аналары өзге тілде сөйлесе балаға оның әсері болады. Бала ондай отбасында дұрыс тәрбие ала алмайды деп өздерінің пікірлерімен ой бөлісті.

Коучинг соңында өздерінің осы семинарға байланысты ізгі ниеттерін білдірді. Мұндай коучингтердің ата-аналарды бір-бірімен жақындастыратындығы және бала тәрбиесіне көп көмек болатындығын айтып, риза болды.