Мектеп және отбасы.

Отбасы-бала тәрбиесінің ең алғашқы ұжымы. Ата-ана және отбасы мүшелері бала дүниеге келген күннен бастап, оның тіршілік әрекетін ұйымдастырады, яғни, оның өміріне қамқорлық жасайды, болашағын жоспарлайды, саналы азамат болып өсуі үшін барлық мүмкіндікті жасайды. Әлеуметтік -экономикалық, танымдық-білімдік деңгейлеріне сәйкес балаларына дене, ой еңбегін үйретеді, күн тәртібін дұрыс реттеуге, салауатты өмір сүруге, адал болуға, жақсылықты үйреніп, кішіпейілдікке, жамандықтан жиренуге баулиды,т.с.

Отбасындағы бала тәрбиесінің қандай параметрі басым, қандай деңгейінің төмен екенін мектеп табалдырығын аттаған бүлдіршіндердің оқу-тәрбие саласында жүргізілетін іс-шаралар барысында анғару әбден мүмкін.

Суықбұлақ орта мектебінің 1 сынып оқушыларының бойында бар өнерін алғаш рет көпшілік алдында паш етуіне мүмкіндік ретінде “ Екі жұлдыз” сайысы ұйымдастырылды.Бұл шара отбасы мүшелерінің бала тәрбиесіндегі жауапкершілік деңгейін анықтаудың бірден -бір құралы болды. “Бала адамның бауыр еті”, “Бала өмірдің жалғасы” дегендей, баладан бар жақсылығын кім аясын? Ата -аналардың түгелі дерлік шарқ ұрып, жанұшыра дайындыққа белсене кірісті. Алайда “ Бес саусақ бірдей емес” деген емес пе, бірді-екілі немқұрайды отбасылары да болды. Ата-анасы не келмеді. Мысалы: Раяна қыздың ән айтуға дарыны жеткілікті- ақ екен. Оның осы қасиетін мейірімі мол, қайырымды ана- Шолпан арқасында танылды десек артық айтқан болмас едік. Шолпан оған ән тандап, әуенің тауып, өзінің мұғалімімен дайындық жасатып жүрді. Өзінің дарының, өзге отбасы мүшелерінің көмегінің нәтижесінде Раяна “Жүзден жүйрік” шығып, 1-орынды иеленді. Кейбір ата-аналар кеш те болса келіп, балаларының қуаныштарын да сездірмеді. Бұл отбасындағы рухани-адамгершілік, мәдени-ағартушылық, таным-білімділік деңгейінің төмендігі шығар?..

Кіп -кішкентай, сүйкімді нағыз балапандардың әрқайсысының киім таңдау, әнге әуен жаздыру ерекшеліктері отбасы сапасының әлеуметтік-экономикалық параметірінің деңгейін көрсетсе, олардың сахнада өзін-өзі ұстауы, әнді нақышына келтіре, шебер орындауы отбасында бала қызығушылығың қабілетті бейімдділігі мен шығармашылығын ескерту деңгейінің шамасы көрсетті.

Бәрі әдемі, бәрі жарасымды болды. Балапандардың өнерін тамашалауға естіген, көргенің бәрі ынықты. Сайыстың аты-сайыс. Біреуі жеңіп, бірі жеңілді. Өнерлі озады. Дегенмен, өнерді шын бағалауға өзімшілдіктері дес бермей, баласына берілген бағаға көңілі толмаған ата-аналар да болды.

Мектептің оқу-тірбие ісінің меңгерушісі де әр баланың өнеріне жеке мән бере бақыла отырса керек, құттықтау-қорытынды сөз айта келе, әр баланың қылығына, өнеріне сәйкес орын беріп, балалар мен ата-аналардың көңіл-күйін көтеріп қойды.

Отбасының басты міндеті-бала тәрбиесі. “ Еңбке етсе кімде-кім, алтын жеміс тереді” демекші, еңбегіміздің жемісі көңілдегідей болсын десек, тәрбиені босансытып алмайық.