Мектеп логопеді мен ата-ананың бірлескен жұмысының маңызы

Бүгінгі таңда сөйлеу тілі бұзылыстары бар балалар саны артып келеді. Мұндай жағдайда логопед маманының жұмысы маңызды болса, ата-ананың қолдауы – сол жұмыстың нәтижелілігін екі есе арттыратын шешуші фактор.

Неліктен бірлескен жұмыс қажет?

Мектеп логопеді балаға аптасына бірнеше рет ғана көмек көрсете алады. Бірақ сөйлеуді дамыту – үздіксіз процес. Сондықтан логопед ұсынған жаттығулар мен түзету әдістері үйде де жалғасын табуы қажет. Бұл жерде ата-ананың рөлі ерекше.

Бірлескен жұмыстың артықшылықтары:

- Сабақта бекітілген материал үйде қайталанады, бала тез меңгереді

- Балада тұрақты сөйлеу дағдысы қалыптасады

- Ата-ана баладағы алға жылжуды бақылап, логопедпен кері байланыс орнатады

- Баланың сөйлеуіне деген ынтасы артады, өзіне деген сенімділігі күшейеді

Ата-ана не істей алады?

- Логопедтің нұсқауын орындап, күнделікті 5–10 минут сөйлеу жаттығуын жасау

- Баламен сөйлесуді арттыру, жаңа сөздер үйрету

- Үрлеу, саусақ жаттығулары, тақпақ жаттау сияқты қарапайым әдістерді қолдану

- Логопедпен үнемі байланыста болу, нәтижемен бөлісу

Логопед пен ата-ананың ынтымақтастығы – баланың сөйлеу тілі дамуының басты кепілі. Бір-бірін қолдай отырып әрекет еткен жағдайда ғана нақты нәтижеге қол жеткізуге болады. Бұл – баланың болашағына жасалған маңызды инвестиция.