Мектеп оқушылары арасындағы дебат ойынының маңыздылығы.

Мектеп оқушылары арасындағы дебат ойынының маңыздылығы.

Асыл ойдың алтын қазығы болған пікірсайыс яғни дебат ойындарының қазіргі таңда алар орыны ерекше. Пікірсайыс – жетістікке жетудің бірден бір құралы. Ойды жүйелеп, өткір сөйлеп қана қоймай, тыңдап, талдап, эмоцияны ақылға билету, мәселенің мәнін ашып, әр тарапты түсіну мүмкіндігін де береді. Сонымен қатар ол – тәртіп пен тәрбие. Бұл ойында пікір таластыра, сөз жарыстыра отырып, тәртіп сақтауды үйренеді. Дебатқа қадам басқан күннен бастап оқушылардың сөйлеу әдебі сыпайылық түріндегі «Сіз» сөзіне ауысып, айналасындағы адамдарға «ханым, мырза» –деп құрмет көрсетуге дағдылана бастады. Ойын барысында ойыңызды тура жеткізуге, нақтылыққа, жүйелілікке, айтылған қарсы пікірге қарамастан өз ойыңыздың дұрыстығын дәлелдеуге үйренесіз. Бойыңызда білімділік, батылдылық секілді қасиеттер мен көпшілік алдында әдепті сөйлеу дағдысы қалыптасады.

Ойында қарсылас болсаңыз, өмірде дос болуға ұмтылдыратын пікірсайыс үйірмелерінің бірі Федоров ауданның «Балалар шығармашылық үйінің» КММ «Риторика» дебат үйірмесі. Үйірмеге жалпы 20 оқушы қатысады. Бастапқыда үйірмеге келушілердің саны 9 оқушыдан астпайтын еді, соңғы жылдары оқушылардың қызығушылығы арта түсті. Үйірмедегі оқушылар әр-түрлі тақырыпта мектепішілік турнирлер өткізумен қатар, аудандық, облыстық турнирлерге қатысып, жоғарғы нәтижелер көрсетіп келеді. «Ұстаздан, шәкірт озар» демекші Тилекберген Арайлым мен Шұғайып Аяулым турнирге өз бетінше дайындалып қана қоймай, соңынан ерген жас буынды да алға тартып келеді. Сонымен қатар пікірсайысқа ата аналар мен мектеп ұстаздары да қызығушылық таныта бастады. Оқушылармен бірге өздері де қатысып, үздік спикер де атанды.2024 жылы ақпан айында өткен облыстық ұзтаз бен оқушыдан құрылған турнирде ағылшын тілі мұғалімі Жарысова Д.А. мен Тилеберген Арайлым қатысып үшінші орын иеленді. Ал биылғы жылы үздік спикерлер қатары көбейіп отыр. Ауданда өткен турнирде Хуанышбек Б. Жанболат Г. Талант Г. Өздерін үздіктер қатарында көрсетіп, жүлделі ! орынды жеңіп алды

Ауданымыз жас пікірсайысшыларға барынша қолдау көрсетуде. Жазғы демалыс кезінде бірсыпыра оқушы Республикалық «Балдаурен» лагеріне Қонаев қаласына демалып келді.

Үйірме етекшісі: Зия Т.