Алтын ұя, бағасы артық мектебім,

Өзін үшін айтатыным көп менің.

1. Оқушының жәутендеп қос жанары

Ұстаз баптап мектепте жас баланы,

Талай жастың арманы асқаралы,

Мектептің партасынан басталады.

2. Мектеп – кеме, білім – теңіз бағалайтын,

Талай жанның ұясы саялайтын.

Мектеп кілті ұстаздардың білімінде,

Ұстаз біздің анамыз аялайтын.

3. Білім берген басқаныңда баласына,

Айналған талайлардың данасына.

Ұстаздардың барлығы мектеп көркі,

Еңбек еткен мұғалімдік саласында.

4. Мектеппенен талай жан жетіледі,

Оянады білім алып көкірегі.

Әр адам осы жерден сусындаған,

Мектеп деген әрқашан ел тірегі.

5. Көтергендей бар жүгін нар түйенің,

Мектеп нағыз бастауы бар жүйенің.

Ұстаз біздің екінші анамыз ғой,

Берушісі тәлім мен тәрбиенің.

6. Өсірген талай қыз мен сан ұлдарды,

Шығаратын профессор, ғалымдарды.

Мектеп деген даналардың ордасы ғой,

Әрқашан баптайтұғын дарындарды.

7. Мектептің көп қой шіркін қасиеті,

Тасыған оқытушы өсиеті.

Данышпан да патша да, ғұлама да,

Алдына кеп ұстаздың бас иеді.

8. Мектебім көкте күндей жарқыраған,

Мектеп үшін талай жан ән құраған.

Мектеп бізге керектің бәрін берген,

Ал ұстаздың бәрі де алтын адам.