Мектепалды даярлық топтарына арналған сабақ жоспарлары

Сабақтың барысы

Кіріспе бөлім

Бала, бала, балапан

Қане, қайсы, алақан.

Саусақтарың әйбат,

Былай-былай ойнат.

– Балалар, бір-біріміздің қолымыздан ұстап, алақан арқылы жүректің жылуын сезініп көрейік.

Бүгін сауат ашу сабағымыздың шаттық шеңберін ойынмен бастайық. Балалар сендер ойынды жақсы көресіңдер ме? Біз «Ойлан тап» ойынын ойнаймыз. Менің қолымда доп бар. Мен допты қай балаға лақтырсам , сол бала менің қойған сұрағыма жауап беруі керек.

1.- Сауат ашу сабағында біз нені үйренеміз?

Сауат ашу сабағында әріптерді, дыбыстарды үйренеміз.

2. - Әріп деген не?

Әріп дегеніміз – дыбыстың таңбасы.

3. - Дыбыс нешеге бөлінеді?

Дауыссыз жіне дауысты болып екіге бөлінеді.

Негізгі бөлім

Ойлан тап! Жұмбақ шешу

Тепсең жаны кіреді,

Айдағанға жүреді. /доп/

Он екі белбеулі,

Ән-күйі кернеулі. /домбыра/

• Бұл жұмбақтардың шешулері қандай әріптен басталып тұр? («Д» әрпінен басталып тұр)

• Дұрыс айтасыідар, ендеше, біз бүгін «Д» әрпімен танысамыз.

Оқулықпен жұмыс.

«Д» әрпімен таныстыру

Суретпен жұмыс. Допты сипаттау.

Достары көп Мараттың,

Ойнайды олар аулада.

Ағасымен Болаттың

Барады олар тауға да.

- Бұл өлең бе, әлде әңгіме ме?

- Бұны балалардан сұрап көрелік.

Сергіту сәті «Көңілді күн» әнімен билету

Оқылым

Да-ла ау-ла Да-на Ду-лат

Да-ла-да ау-ла-да Да-на-да Ду-лат-та

Дәптермен жұмыс

1. «Д» әрпін ауада жазу

2. «Д» әрпін үлгі бойынша жазу

Қорытынды-

Балалар,  бүгін біз қандай әріп таңбасымен  таныстық?
- «Д» дыбысы дауысты ма, әлде  дауыссыз ба?
- Кім «Д»  дыбысынан  басталатын  сөздер айтады?
- «Д»  дыбысы  сөздердің  қай жерлерінде  кездеседі?