ҮЗДІК АШЫҚ САБАҚ

Кудайбергенова Жанар Калиевна

«№38 жалпы орта білім беретін мектеп-лицей» КММ, Семей қаласы, Қазақстан Республикасы, erkebulanstal@gmail.com

Сабақ: 3– сабақ

Сабақ өтілетін уақыт:

12.10.2018 жыл

Барлық оқушылар: 24

Қатысқаны: 24

Пәні: дүниетану

1-сынып

Сілтеме

Күнтізбелік жоспар.

Орта мерзімді жоспарлау. Оқулық Астана: «НЗМ» ДББҮ, 2016 жыл

Сабақтың тақырыбы

Мектепке баратын жол

Оқу мақсаты

Жаяу жүргінші және жолдағы қауіпсіздік ережелері туралы білу.

Үйден мектепке дейінгі жолдың сызбасын сыза отырып, картографиялық қызметтің бастапқы дағдыларын меңгерту.

Түйінді идеялар

Тақырыптағы негізгі ойды аша отырып, оқушылардың жаңа тақырыпты түсінуіне мүмкіндік беру.

Сабақтың мақсаты

Жеке бас қауіпсіздігі ұғымымен тыныстырылады. Адамның өз әрекеті өзіне және басқа да адамдарға әсер ететіні туралы түсінік қалыптастырады. Сызба жасай отырып, картографиялық қызметті бастайды.

Көрнекіліктер

Бағдаршам макеті, жол қозғалысы белгілері( тақташалар), қаладағы жол суреті (А3 форматы).

Дерексөздер

Оқулық, Мұғалімге арналған нұсқаулық, моноблок.

Сабақ барысы

Уақы-ты

Әдіс - тәсілдер

Мұғалімнің

іс – әрекеті

Оқушының

іс – әрекеті

І. Коллоборативті ортаны құру

ІІ. Үй тапсырмасын тексеру

«Қыдырып қайтайық» сергіту сәті

IІІ. Ой-толғаныс

Рефлексия

1 мин

5 мин

8 мин

2 мин

20 мин

3 мин

«Бір қадам алға» әдісі

Жұптық жұмыс

Топтық жұмыс

Топтық жұмыс «Жауабын тап» ойыны

Балалар, алдыңғы сабақта «Менің мектебім» тарауын бастағанбыз. Сабағымызды мектеп туралы өлеңнен бастайық.

Сұрақтарға жауап беруге дайынсыңдар ма? Егер үй тапсырмасы бойынша қойылған сұрақтарға жауап бере алсаңдар, алға бір адым аттаймын. Жауап бере алмаған жағдайда бір адым кері

шегінемін. Бастаймыз.

1. Алдыңғы сабақта қандай тірек сөздермен таныстық?

2. Мұғалім сөзін қатыстырып кім сөйлем құрайды?

3. Қазақ балаларына ең алғаш мектеп ашқан кім?

4. Неліктен мектепті екінші үйіміз деп атаймыз?

5. Кітапханаға барып, бақылау жасағанда нелерді байқадыңдар?

6. Мектебіміздің кітапханашыларының есімдерін білесіңдер ме?

7. Кітапханадан кейбір оқушылардың кітап алып жатқанын байқап қалдым. Нұрай, алған кітабың қалай аталады?

8. Кітапханада қандай ережелерді сақтауымыз керек екен?

Артқа шегінбедім. Жұмыс үстеліме еш қиындықсыз келдім. Ал сендер күнделікті мектепке келгенде қалай келетіндеріңді білгім келеді. Ол үшін көздеріңді жұмып, үйден мектепке дейінгі

жолдарыңды еске

түсірулеріңді сұраймын.

Ал, үйден мектепке баратын жолдарыңызды еске түсірсеңдер, жұптасып тұратын көшеңді, өзің жүретін жолды сипаттап, бір-бірлеріңе айтып беріндер.

Енді балалар «Дүниетану» дәптерлеріңнің 10-жұмыс парағындағы бос шаршыларда жол бойында кездескен заттардың суретін салайық.

Балалар, мектепке баратын жолдарыңды еске түсіруіміз жай болмады. Біздің бүгінгі тақырыбымыз: «Мектепке баратын жол» деп аталады. Тірек сөздермен жұмыс.

«Жаяу жүргінші» деген сөзді қалай түсінесіңдер? Көпшіліктерің мектепке жаяу келесіңдер. Сендерді жаяу жүргінші деп атауға болады. Жаяу жүру деген сөзден шыққан жаяу жүргінші сөзі.

Әлгінде мектепке баратын жолды естеріңе түсіріңдер. Ол

жерлермен күнделікті жүріп жүргендіктен қауіпсіз деп айтуға болады. Жолдар адамдар пайда болғанға дейін де болған. Жануарлар да өздеріне таныс бір жолмен ғана жүреді, себебі ол жолдың қауіпсіз екенін сезеді екен.

Бағдаршам туралы не айта аласыңдар?

Сурет бойынша жұмыс жасайтын кез келді. Суреттің астында сұрақтар берілген 1-ден 4-ке дейінгі цифрлар жазылған қағазды таңдау арқылы қандай сұрақтарға жауап беретіндеріңді білетін боласыңдар.

1. Оқушының әрекеті туралы не айта аласың?

2. Ол қандай ережені бұзды?

3. Бала қандай жағдайға ұшырауы мүмкін еді?

4. Жол ережесін сақтамаған балаға қандай кеңес берер едіңдер?

Балалар, көліктер мен жаяу жүргіншілер қозғаласын тек бағдаршамдар ғана реттей ала ма?

Дұрыс айтасындар, көшеде

басқа да белгілерді көріп жүрміз. Оларды жол белгіліері деп атайды. Жол белгілері 7 топқа бөлінеді. Ол жол белгілерімен көшеде жүру тәртібі сабақтарында жақынырақ танысатын боламыз.

Ал, енді балалар, көздеріңді жұмыңдар. Топта алдарыңа қойған жол белгілерінің мағынасын қимылмен түсіндіресіңдер. Өзге топтар жасырылғын жол белгілерін атау керек.

Қимылмен көрсеткен жол белгілерінен өзге белгілер өте көп. Алғашқы жол белгілері Римде пайда болған. Жол белгілері алғашқыда жаяу жүргіншіге арналғанын біліп жүріңдер.

Сонымен жол белгіліері нелерді білдіреді?

Балалар, сабақ аяқталуға жақын қалды.

Бүгінгі тақырыпты қандай

деңгейде түсінгендеріңді анықтайық. Ол үшін «Жаңа білімді меңгердім және өте қызықты болды» десеңдер, бағдаршамның жасыл көзіне, «Жаңа сабақ бойынша әлі де көмек керек болып тұр» десеңдер сары көзіне, «Түсінбегендерім көп» десеңдер, қызыл көзіне кір қысқыш бұйымын қыстырасыңдар.

«Алтын ұям-мектебім» өлеңін хормен, нақышына келтіре отырып айтады.

Оқушылар қойылған сұрақтарды тыңдай

отырып, жауап береді. Үй тапсырмасы бойынша дайындықтарын байқатады.

Балалар көздері жұмулы күйінде үйден мектепке дейінгі жолды естеріне түсіреді.

Жұпта жүретін жолдарын сипаттап айтады.

Балалар дәптермен жұмыс жасайды.

Балалар сергіту жаттығуларын жасайды.

Тірек сөздердің мағынасын түсінуге байланысты өз ойларымен бөліседі.

Балалар бағдаршам көздерінің қызметі туралы айтады.

Суретті мұқият қарайды.

Топтан 1 оқушы шығып, қима қағаздар алу арқылы сұрақтарды талдайды.

Балалар «жоқ» деп жауап береді.

Оқушылар топта жол белгісін қимылмен қалай көрсету керектігін талқылайды.

Балалар тыйым салады, рұқсат етеді, ескертеді деп жауап береді.

Рефлексия шарты бойынша әрекет етеді.