«Мектепке дейінгі ұйымда ата-аналарды қалай тартуға болады?»

Хинекина Майра Гарифуллаевна

Атырау қаласы

№16 «Дюймовочка» бөбекжай-балабақшасының

әдіскері, педагог-модератор

«Мектепке дейінгі ұйымда ата-аналарды қалай тартуға болады?»

Баланың ең алғашқы «Ұстазы Ата-анасы»,- деп бекер айтылмаса керек. Ата-ана баланың ерте жасынан бастап жеке басының физикалық, адамгершілік және интеллектуалдық дамуының алғашқы негіздерін қалауға міндетті. Бірақ сонымен қатар ата-аналардың барлығы да бірдей жақсы бола бермейді. Сол себепті отбасының барлығы бірдей баласына дұрыс тәрбие беретініне кепілдік бере алмаймыз.Сол үшін біз педагогтар отбасылық тәрбиені ұйымдастыра білуіміз қажет.

Отбасы мен балабақша – біздің болашағымыздың бастауында тұрған екі қоғамдық институт, бірақ олардың бір-бірін тыңдап, түсіну үшін өзара түсіністік, әдептілік, шыдамдылығы әрқашан жеткіліксіз. Бұл жағдайды қалай өзгертуге болады? Ата-аналарды бірлесіп жұмыс жасауға қалай қызықтыруға болады?

Отбасында және мектепке дейінгі ұйымда баланың дамуы үшін біртұтас кеңістікті қалай құруға және тәрбиелеу процесіне ата-ананы қалай жұмылдыруға болады?

Ата-анамен байланыс түрлеріне:

1.Ақпараттық-аналитикалық,

2.Ойын-сауық, демалыс;

3.Танымдық;

4.Көрнекі-ақпараттық тәсілдері жатады.

1.Ақпараттық-аналитикалық:

Қалай ойлайсыздар, бұған қандай жұмыс түрлері жатады?

Бұған тест, сауалнамалар, әлеуметтік паспорты, ата-аналар өздерінің толғандырып жүрген сұрақтарын қоя алатын сенім жәшігі және ата-аналарға кеңестер жатады.

Демек бұл іс-шаралар ата-аналардың қажеттілігін анықтауға көмек береді.

2.Ойын-сауық түрі (досуг): (залға сұрақ)

Бұған қандай жұмыс түрлері жатады?

Бұл ата-аналар мен балалар арасында жылы, бейресми, сенімді қарым-қатынас орнатуға арналған бірлескен демалыс шаралары, мерекелер, көрмелер. Ата-аналардың қатысуымен ойналатын ойындар, жарыстар.

Мысалы: «Жәрменке», «Не? Қайда? Қашан?», «Отбасы жылы».

3.Танымдық түрі

Бұл жұмыс түрі ата -аналардың психологиялық-педагогикалық мәдениетін арттыруда үлкен рөл атқарады. Бұндай жиындарда ата-аналар ерекше көңіл күйде болып, бір-бірімен ашық пікірлеседі.

Ол «Аукцион» деп аталады. Ата-аналар жиналысы таңдалған тақырып бойынша кеңестерді сату түрінде, яғни ойын түрінде өткізіледі. Мысалы: 3 жастағы дағдарыс.

Тәрбиеші үш жастағы дағдарыс туралы түсінік беріп, бұл кезеңнің балалар үшін қаншалықты ауыр екенін ата-аналармен бірлесіп талдайды.

Тәрбиеші ата-аналарымен осы кезеңді қалай бастан өткергендерін немесе қазір қалай күресіп жатқандарын бөлісулерін ұсынады.

Барлығы да ойын түрінде өтеді және әр кеңес үшін фишкалар беріледі. (яғни ата-ананың кеңесі фишкаларға сатылады).

Ең сәтті кеңестер «Ата-ана тәжірибесінің жинағы» ақпараттық тақтасында орналастырылады.

Шебер сынып.

Шебер сыныпқа балабақша тәрбиешілерімен қатар, бір нәрсемен бөлісе алатын, басқа ата-аналарға бір нәрсе үйрете алатын ата-аналар да қатыса алады.

Алдын-ала тәрбиеші бірнеше ата-анаға тақырыптар беріп, олардың әр қайсысына бала тәрбиесі мен денсаулығын жақсарту жөнінде кеңес дайындауды тапсырады.

Жиын соңында қорытындыланып, ата-аналар ең пайдалы кеңесті таңдап, «Ата-ана тәжірибесінің жинағы» ақпараттық тақтасына орналастырылады.

Балабақша педагогтары, мысалы, ата-аналарға дәстүрлі емес өнер сурет салу әдістерін, оригами, қалдық бұйымдардан түрлі заттар жасауды үйретуге болады. Үздік ата-аналар жұмысын балабақша ақпараттық тақтасына орналастырады.

Сонымен қатар, ата-аналар арасында педагогтар, дәрігерлер, өрт сөндіру қызметкерлері, төтенше жағдай қызметкерлері болып, өз салалары бойынша әр түрлі кеңестер беруге болады.

Көрнекі -ақпараттық түрлері педагогтардың қызметін дұрыс бағалау, отбасы тәрбиесінің әдіс-тәсілдерін қайта қарау үшін қажет.

Мысалға, «Ашық есік күні», фотосуреттер мен видое роликтер, балалар жұмысының көрмесін тамашалау. «Ашық есік күнін» дәстүрден тыс түрінде өткізуге болады.

Бұнда ата-аналар бақылаушы ретінде емес, ойын іс-әрекеттеріне белсенді қатысушы ретінде қатысады. Олар балалармен бірге сурет салады, музыка ырғағымен қозғалыстар жасайды, ойын зерттеулеріне, спорттық жарыстарға қатысады.

Сонымен қатар, тағыда ата-анамен жұмыс түрінің бірі ойын алаңын құру. «Ас үйдегі ойын» немесе «Біздің балалық шағымыздың ойыны». Мұнда ата-аналар өздерінің бала кездерінде ойнаған сүйікті ойындарымен бөліседі.

Ата-аналармен бірлесіп «Кішкентай кезімізде», «Біздің үй жануарлары» фотокөрмелерімен, сүйікті үй жануарларының фотосуреттерімен ақпараттық тақталарды безендіру және ата-аналармен бірлесіп қолдан жасаған отбасылық кітапшаларда өте қызықты болып саналады.