Мектепке дейінгі ұйымда ойын әрекетін ұйымдастыру және оның балалардың дамуы үшін маңызы

Мектепке дейінгі ұйымда ойын әрекетін ұйымдастыру және оның балалардың дамуы үшін маңызы

«Алпамыс батыр» бөбекжай бақшасы

МКҚК-ның тәрбиешісі

Жасұзақова Үрзия Қайратқызы

Мектепке дейінгі білім берудің басты міндеті - өз бетінше, дені сау, белсенді, шығармашылықпен ойлай алатын табысты тұлғаны тәрбиелеу. 

Мектепке дейінгі тәрбиелеу мен оқытудың бағдарламасы баланы ойын арқылы оқыту мен тәрбиелеуге бағытталған.

Себебі ойын арқылы мектеп жасына дейінгі баланың бойына ұлттық құндылықты сіңіре отыра, толыққанды дамыған, әлеуеті артқан тұлға қалыптастыру.

Мектепке дейінгі ұйым педагогтерінің жұмыстарының негізгі формасы және олар үшін жетекші іс-әрекет ойын болып табылады. Ойын технологияларын қолданады.

Бала ойын ойнап отырып дамиды, коммуникативтік дағдылары қалыптасып, танымдық құзыреттіліктері артып, шығармашылық, эмоционалдық дағдылары артады.

Тәрбиешінің міндеті балаға дамытушы ойын ұсына отырып, ойлауға, ойын арқылы қажет дағдыларды қалыптастыруға басшылық ету.

Ойын кезінде балаға еркіндік беру, баланың таңдау асауына өте қажет.

Ойында еркін болған бала, өзінің қажеттілігі мен қызығушылығына қарай әрекет етіп, ойынды жақсы ойнайды.

Тәрбиеші ойын ұйымдастырар алдында баланың жас және жеке ерекшеліктерін ескере отырып, қауіпсіз орта қалыптастырады.

Қауіпсіз ортада жабдықталған дамытушы ортада баланың қажетті құралдарының мазмұнды, ауыспалы, қауіпсіз және қолжетімді болуын қамтамасыз ету маңызды.

Бала ойынының түрлері көп.

Еңбек ойындары арқылы ұқыптылыққа, тиянақтылыққа үйрене отырып, өз бойларына қарапайым еңбек дағдыларын қалыптастырады.

Интеллектуалды ойындар арқылы ойлау қабылеттері артып, баланың креативті дағдылары артады

Қимылды ойындар арқылы физикалық қасиеттерін дамытып, ептілікке, шапшаңдыққа және дәлдікке үйренеді

Сенсорикалық ойындар арқылы саусақ ұсақ моторикасын дамытып, ойлау қабылеттері дамиды, коммуникативтік дағдылары артады.

Дидактикалық және сюжетті ойындар арқылы тілдері дамып, сөздік қорлары молаяды, қарым-қатынас мәдениетін қалыптастырады

Мектеп жасына дейінгі баланың күні бойғы әрекеті ойын түрінде ұйымдастырылады.

Әрбір ойын арқылы баланың физикалық, коммуникативтік, танымдық, шығармашылық дағдыларын қалыптастыру тәрбиешінің ұйымдастырған ойындарының мақсатына сәйкес іске асып отырады.

Ойын кезінде әр баламен арнайы түзету жұмыстарын жүргізу балалардың жеке даму жұмыстарын атқару болып табылады.

Педагог балалармен ойын кезінде:

1. Жеке жағдай жасау. 

2. Баланың жетістіктерін бағалаудың заманауи тәсілдерін ұсыну жағдайларын басшылыққа алуы маңызды.

Қорыта келгенде бала дамуының басты құралы –ойын.

Ойын қызықты әрі түрлі болғанда баланың дамуы ерекшеліктері де дұрыс әрі жүйелі болары сөзсіз. Тәрбиеші баланың ойыны және ойын құралдары туралы ата-аналармен серіктесе жұмыс жасау арқылы баланың толыққанды дамуына мүмкіндік жасай алады.